ވޭތުވެ ދިޔަ 24 ގަޑިއިރު ތެރެޭގައި އައްޑޫ އިން ޕޮޒިޓިވް ވި މީހުންގެ އަދަދު 100 އިން މައްޗަށް އަރައިފިއެވެ.
އައްޑޫ އެމާޖެންސީ އޮޕަރޭޝަންސް ސެންޓަރު އާއްމުކުރި ތަފާސްހިސާބުތަކުން ދައްކާ ގޮތުގައި ވޭތުވެދިޔަ 24 ގަޑިއިރު ތެރޭ 123 މީހަކު ޕޮޒިޓިވް ވެފައިވާ އިރު މިވަގުތު އައްޑޫގައި 531 އެކްޓިވް ކޭސް އެބައޮތެވެ.
އިއްޔެ އަލަށް ޕޮޒިޓިވްވި 123 މީހުންގެ ތެރެއިން ތެރެއިން 64 މީހަކު ޕޮޒިޓިވް ވެފައިވަނީ ހިތަދޫ އިންނެވެ. އަދި 25 މީހަކު ފޭދޫ އިން ޕޮޒިޓިވް ވެފައިވާ އިރު މަރަދޫ އިން 6 މީހަކު، ހުޅުދޫ އިން 6 މީހަކު، މީދޫ އިން 1 ގެ އިތުރުން މަރަދޫފޭދޫ އިން 9 މީހަކު ޕޮޒިޓިވް ވެފައިވެއިވެ. އިތުރު އެހެން ތަންތަނުން ވެސް 1 ވަނީ ޕޮޒިޓިވްވެފައެވެ.
Addu City Covid-19 case status as of 19th January 2022 18:00 Hrs.#StayHome #StaySafe#WearMask pic.twitter.com/ewZbaTOxGM
— Addu Emergency Operations Center (@EOCaddu) January 20, 2022
މިހާތަނަށް އައްޑޫ އިން ޖުމްލަ 3،629 ކޭސް ފެނިފައިވާ އިރު، މީގެ ތެރެއިން 235 ކޭސް ފެނިފައިވަނީ ހިތަދޫ އިންނެވެ. އަދި ފޭދޫ އިން 105 ޕޮޒިޓިވް ކޭސް ފެނިފައިވާ އިރު، ހުޅުދޫ އިން 43 ކޭސް އަދި މީދޫ އިން 91 ކޭސް ފެނިފައިވެއެވެ.
ކޮވިޑުގެ ސަބަބުން އައްޑޫ އިން އެކަނިވެސް 14 މީހުން މަރުވެފައިވެއެވެ. އަދި މިވަގުތު ހޮސްޕިޓަލުގައި 3 މީހަކަށް ދަނީ ފަރުވާ ދެމުންނެވެ.
advertisment