މޭ ހައެއްގެ ހަމަލާއަށްފަހު، އިނގިރޭސި ވިލާތުގައި ފަރުވާ ހޯއްދަވަމުން ގެންދަވާ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ނޫސްވެރިންގެ ބައްދަލުވުމެއް މިއަދު ބޭއްވުމަށް ހަމަޖައްސަވައިފިއެވެ.
ރައީސް ނަޝީދުގެ ނޫސްވެރިންގެ ބައްދަލުވުން އޮތީ މިއަދު މެންދުރު 12:30ގައި އޮންލައިންކޮށެވެ.
މިދިޔަ މޭ މަހުގެ 6 ވަނަ ދުވަހު ދިން ހަމަލާއަށް ޖަރުމަނުން ފަރުވާ ހޯއްދެވުމަށް ފަހު އިތުރު ފަރުވާ އަށް ވަޑައިގެން މިހާރު ހުންނެވީ އިނގިރޭސިވިލާތުގައެވެ.
އިނގިރޭސިވިލާތަށް ވަޑައިގެންނެވުމަށްފަހު ނަޝީދު ވިދާޅުވެފައިވަނީ، ރާއްޖެ ވަޑައިގަތުމަށް ދެން ބޭނުންފުޅުވަނީ، ޓެރަރިސްޓް ހަމަލާގެ ތަހުގީގުނިމި، މި ހަމަލާއަށް ފަންޑު ކުރިމީހުންވެސް ހޯދި، މި އެންމެން އިންސާފުގެ ކުރިމައްޗަށް ގެނެވޭނެކަން ކަށަވަރުވުމުން ކަމުގައެވެ.
advertisment