ދަރިފުޅު އުފުލި މަންމައަށް މުވައްޒަފަކު މަލާމާތް ކުރުމުން ޖެންޑާއިން މާއަފަށް އެދިއްޖެ

ހުޅުމާލޭގެ ފުރަތަމަ ފިޔަވަހިން ދެވަނަ ފިޔަވައްސަށް ދިއުމަށް ބަސް ދަތުރު ހަމަޖެހިފައިނުވާތީ، މަންމަ އޭނާގެ ދަރިފުޅު ކޮނޑުގައި އުފުލުމުން އެމަންމައަށް ޖެންޑާ މިނިސްޓްރީ ގެ މުވައްޒަފަކު މަލާމާތް ކުރުމުން މިނިސްޓްރީ އިން އެކަމަށް މައާފަށް އެދިއްޖެއެވެ.

ހުޅުމާލޭގެ ފޭސް އެކަކުން ފެށިގެން، ހިޔާ ފްލެޓު ސަރަހައްދަށް މަންމައަކި ދަރިފުޅު ކޮންޑަށްލައިގެން ގެންދާ މަންޒަރު ފެންނަ ވީޑިއޯއެއް ސޯޝަލް މީޑިއާގައި ވަނީ އާއްމުވެފަ އެވެ. އަދި އެ ވީޑިއޯއަށް ގިނަ ބައެއްގެ ފާޑުކިއުން އަމާޒުވީ، ގިނަ އަދަދެއްގެ ބަޔަކު ފޭސް ދޭކަށް ދިރިއުޅުން ބަދަލު ކުރަމުން ގެންދާއިރު ވެސް އެ ސަރަހްއްދަށް އަސާސީ އެއްވެސް ހިދުމަތްތަކެއް ތައާރާފް ކުރެވިފައި ނުވަތީ އެވެ. އޭގެ ތެރޭގައި ބަހުގެ ހިދުމަތްތައް ހިމެނެ އެެވެ.

ވީޑިއޯ އާއްމުވިތާ 24 ގަޑިއިރު ވެސް ނުވަނީ، ހުޅުމާލޭގެ ފޭސް 02 އަށް ބަސް ދަރުރުތައް ވަނީ ފަށާފަ އެވެ. މި ދަތުރުތައް ކުރަނީ ސްކޫލު ކުދިންގެ، ކްލާސް ވަގުތުތަކައި ދިމާކޮށެވެ.

މީޑިއާތަކުގެ ވެސް ސަމާލުކަން ލިބިގެންދިޔަ މި ވީޑިއޯ އާއި މަންމަގެ ވާހަކަ ރިޕޯޓު ކުރުމުން  ތ. އަތޮޅު ވޭމަންޑޫ ޖެންޑާގެ އެންމެ އިސް ވެރިޔާ، ރިލްވާން އަބްދުﷲ ނަމަކަށް ކިޔާ މީހަކު ވަނީ ހުރިހާ ހިދުމަތެއް ސަރުކާރުން ދޭން ނުޖެހޭނެކަމަށް ބުނެފަ އެވެ. އޭނާ ވަނީ ބަހުގެ ހިދުމަތާއި، ބިލުތައް ދައްކަދީ، އެޕާޓުމެންޓުތައް އަޅައިދިނުން އެއީ ދުނިޔޭގެ އެއްވެސް ގައުމަކުން ކުރާ ކަމެއް ނޫން ކަމަށެވެ.

މިއީ ކުރީގެ އަތޮޅު ކައުންސިލް ރައީސް އަދި މިހާރު ވޭމަންޑޫ ޖެންޑާރ އާއި ހަވާލުވެހުރި ފަރާތް ކަމަށްވޭ

ރައްޔިތުންގެ ލާރިން މުސާރަ ލިބޭ މަގާމުތަކުގައި ތިބޭ ފަރާތްތައް ރަހުމެތްނެތި އާންމު ނިކަމެތިންނަށް ހަޖޫ ޖެހީމަ ހަޑި ނަން ލިބޭނީ ޕާޓީއަށް @MDPSecretariat pic.twitter.com/6QsgRvUkNr

— Midhuam Saud(米渡）???????? (@midh_am) September 29, 2021

މި ޕޯސްޓަށް އަމާޒުވި ފާޑުކިއުންތަކާއި އެކު ޖެންޑާ މިނިސްޓްރީއިން މިއަދު މީޑިއާތަކަށް ފޮނުވި މެސެޖްގައި ބުނެފައިވަނީ އެ މިނިސްޓްރީގެ މުވައްޒަފެއްގެ ފަރާތުން މީސްމީޑިއާގައި ކޮށްފައިވާ ޕޯސްޓް މިނިސްޓްރީގެ ސަމާލުކަމަށް އައިސްފައިވާ ކަމަށާއި އެއީ އެއްވެސް ގޮތަކަށް ހިނގައިގެން ވާނެ އަމަލެއް ނޫން ކަމަށެވެ. އަދި ހަމައެއާއި އެކު މިނިސްޓްރީގެ މުވައްޒަފުގެ ފަރާތުން މި އަމަލަށް މާއަފަށް އެދޭކަމަށްވެސް މިނިސްޓްރީގެ މެސެޖުގައި ބުނެފައިވެއެވެ.

މިނިސްޓްރީގެ މި މެސެޖު މީޑިއާ ތަކުން ރިޕޯޓުކުރުމާއި އެކު އަނެއްކާވެސް އިތުރު ޕޯސްޓެއްކޮށް ރިލްވާން ބުނެފައިވަނީ މައާފަށް އެދެން ޖެހޭ ވަރުގެ އެއްވެސް ކަމެއް ކޮށްފައިނުވާނެ ކަމަށެވެ.