އަމާޒަކީ 2025ވަނަ އަހަރު ނިމޭއިރު ރާއްޖެއިން ޓީބީ ނައްތައިލުންކަމަށް މިނިސްޓަރ އޮފް ހެލްތު އަހުމަދު ނަސީމް ވިދާޅުވެއްޖެއެވެ.
މިނިސްޓަރ ނަސީމް މިފަދައިން ވިދާޅުވީ ދެކުނު އިރުމަތީ އޭޝިއާ ސަރަހައްދުގައި ޓީބީ ބައްޔާބެހޭ މަސައްކަތްތައް ހަރުދަނާކޮށް އާހިތްވަރަކާއެކު ސަރަހައްދުން ޓީބީ ނައްތާލުމާގުޅޭ ހައިލެވެލް ބައްދަލުވުމުގަިއ ބައިވެރިވެވަޑައިގެން ވާހަކަދައްކަވަމުންނެވެ.
މި ސަރަޙައްދުން ޓީބީ ނައްތާލުމާ ގުޅުންހުރި މުހިންމު މަޝްވަރާތަކެއް ކުރިއަށް ގެންދުވުނު މި ބައްދަލުވުމުގައި ސަރަހައްދުގެ އެހެން ޤައުމުތަކުގެ ހެލްތު މިނިސްޓަރުން ބައިވެރިވެވަޑައިގެންނެވިއެވެ. މި ބައްދަލުކުރެއްވުމުގައި މިނިސްޓަރ ނަސީމް ވަނީ ދިވެހި ރާއްޖެއިން ޓީބީ ނައްތާލުމަށް ސަރުކާރުން ދެއްވާ އަހައްމިއްޔަތު ފާހަގަކުރެއްވުމާއެކު 2025 ވަނަ އަހަރު ނިމޭއިރު ދިވެހި ރާއްޖެއިން ޓީބީ ނައްތާލުމަށް އަމާޒުހިފައި މަސައްކަތް ކުރިއަށްދާކަމުގައި ހާމަކުރައްވާފައެވެ. އަދި މި ސަރަޙައްދުގެ އެހެން ޤައުމުތަކާ އަޅާބަލާއިރު ދިވެހިރާއްޖޭގައި ޓީ.ބީ ޖެހޭ މިންވަރު މަދުކަން ފާހަގަކުރެއްވިއެވެ. އަދި ރާއްޖޭގައި ޓީބީ ދެނެގަތުމަށް ހަރުދަނާ މަސައްކަތްތަކެއް ފަށާފައިވާކަމުގައި ވިދާޅުވިއެވެ.
The High-level meeting for renewed TB response in the WHO South-East Asia Region has begun today. Ministry of Health's delegation for the 1 day virtual meeting will be led by the Minister of Health Ahmed Naseem. #endTB pic.twitter.com/THhrdtKktY
— Ministry of Health (@MoHmv) October 26, 2021
މި ބައްދަލުވުމުގައި މި ސަރަޙައްދުން ޓީބީ ނައްތާލުމާއި، ޓީބީއާއި ގުޅޭ މަސައްކަތްތައް ހަރުދަނާކުރުމަށް ޞިއްޙަތާބެހޭ ވަޒީރުން “ސްޓޭޓްމަންޓް އޮފް ކޮމިޓްމަންޓް” އެއްގައި ވަނީ ސޮއިކުރައްވާފައެވެ. މިގޮތުން، 2030 ވަނަ އަހަރު ޓީ.ބީ ބަލި ނައްތާލުމަށް ކަނޑައަޅާފައިވާ ޓާގެޓްތަކަށް މަސައްކަތްކުރުމާއި، ޓީ.ބީ ނައްތާލުމަށް ކުރެވޭ މަސައްކަތްތަކަށް ބޭނުންވާ އެންމެހާ ކަންކަން ފަހިކުރުމަށް މަސައްކަތްކުރައްވާނެކަމަށް މިނިސްޓަރުންވަނީ މި ސްޓޭޓްމަންޓްގައި އެއްބަސްވެވަޑައިގެންފައެވެ.
advertisment