ކޮވިޑް ޖެހިގެން އައްޑޫއިން އިތުރު މީހަކު މަރުވެއްޖެ

ކޮވިޑް-19 ޖެހިގެން އައްޑޫ ސިޓީން އިތުރު މީހަކު މަރުވެއްޖެ އެވެ.

އައްޑޫ އިކުއެޓޮރިއަލް ހޮސްޕިޓަލުން މިއަދު ބުނީ އައްޑޫ ކޮވިޑު ފެސިލިޓީގައި ފަރުވާ ދެމުން އައި އުމުރުން 81 އަހަރުގެ އަންހެނަކު މިއަދު ރޭ ދަންވަރު 1:33 ގައި މަރުވެފައިވާ ކަމަށެވެ.

މާލެ ފިޔަވައި ދެން އެންމެ ގިނަ މީހުން ކޮވިޑު ބަލީީގައި މަރުވެފައި ވަނީ އައްޑޫ ސިޓީންނެވެ. މިއީ އައްޑޫ ސިޓީން މަރުވި 11 ވަނަ މީހާއެވެ.

އަދި މިއީ ރާއްޖެ އިން މި ބަލީގައި މަރުވި 247 ވަނަ ފަރާތެވެ.