ވިލިމާލޭގައި ބެޓަރީ ކާރުގެ ހިދުމަތް ދޭނެ ބަޔަކު ހޯދަން އިއުލާންކޮށްފިއެވެ.
މާލޭ ސިޓީ ކައުންސިލުން ކުރި އިއުލާނެއްގައި ބުނީ އެ ކައުންސިލުން ބޭނުންވަނީ ވިލިމާލޭގައި ބެޓަރީ ކާރުގެ ޕަބްލިކް ޓްރާންސްޕޯޓް ހިދުމަތް 24 ގަޑިއިރު ދޭނެ ބައެއް ކަމަށެވެ. އަދި އެކަމަށް ޝައުގުވެރިވާ ފާރާތްތަކުން ބީލަން ހުށަހަޅަން ހުޅުވާލާފައިވަނީ މި މަހުގެ 20 ވަނަ ދުވަހުއެވެ.
ސިޓީ ކައުންސިލްގެ އިއުލާނުގައި ވާގޮތުން މި ހިދުމަތް ދިނުމަށް ބީލަން ހުށަހެޅާ ފަރާތްތަކަކީ ދިވެހި ކުންފުނިތަކާއި ޕާޓްނާޝިޕް، ލޯކަލް އިންވެސްޓްމަންޓް، ވިޔަފާރި ކުރުމުގެ ހުއްދަ ލިބިފައިވާ ފަރާތްތަކަށް ވާން ޖެހެއެވެ.
މާލޭގެ މޭޔަރު ޑރ. މުހައްމަދު މުއިއްޒު މީގެ ކުރިން ވިދާޅުވީ ބެޓެރި ޓެކްސީގެ ހިދުމަތް ވިލިމާލޭގައި ތައާރަފުކުރި ނަމަވެސް އިންޖީނުލީ އުޅަނދު ދުއްވުން މަނާ ކޮށްފައި އޮތް އޮތުމަށް އެއްވެސް ބަދަލެއް ނުގެންނާނެ ކަމަށެވެ. އިތުރަށް ވިދާޅުވީ ބެޓެރީ ނުވަތަ އިލެކްޓްރިކް 10 ކާރު ހޯދާނެ ކަމަށާއި ކާރުގެ ތެރޭގައި ވޭނެއްް ވެސް ހިމެނޭނެ ކަމަށެވެ.
advertisment