ދިވެހިރާއްޖޭގައި ކޮވިޑު 19 ގެ ބޫސްޓަރ ޑޯޒް ޖެހި މީހުންގެ އަދަދު 18،000 އަށް ވުރެ މައްޗަށް އަރާފައިވާކަމަށް ތަފާސް ހިސާބުތަކުން ދައްކައިފި އެވެ.
ހެލްތު ޕްރޮޓޭކްޝަން އެޖެންސީ (އެޗްޕީއޭ) އިން ރޭ ނެރުނު ތަފާސްހިސާބުތަކުން ދައްކާ ގޮތުން ރާއްޖޭގައި 18،124 މީހުން ވަނީ ބޫސްޓަރ ޑޯޒް ޖަހާފަ އެވެ. އެގޮތުން އިއްޔެ އެކަނި ވެސް ރާއްޖޭގައި 924 މީހަކު ވަނީ ބޫސްޓަރ ޑޯޒް ޖަހާފައި ވެއެވެ.
ކޮވިޑު ގެ ބޫސްޓަރ ޑޯޒް ޖެހި މީހުންގެ ތެރެއިން އިއްޔެ ގްރޭޓަރ މާލެ އޭރިއާ އިން 309 މީހަކު ޖަހާފައިވާ އިރު، އަތޮޅުތަކުގެ ތެރެއިން 615 މީހުން ވަނީ ބޫސްޓަރ ޑޯޒް ޖަހާފަ އެވެ. ކޮވިޑު 19 ގެ އައު ވޭރިއެންޓް ކަމަށްވާ “އޮމިކްރޯން” ދުނިޔޭގެ ހިސާބުތަކުގައި ފެތުރެމުން ދާތީ، އެކަމުން ރައްކާތެރިވުމަށް ރާއްޖޭގެ އާބާދީއަށް ބޫސްޓަރ ޑޮޒް ޖެހުމުގެ މަސައްކަތް ދަނީ ކުރަމުންނެވެ.
COVID-19 : Vaccination Updates
08.12.2021
Number of people who have received the first dose –
GMA: 26
Atolls: 14Number of people who have received the second dose –
GMA: 102
Atolls: 29Number of people who have received the booster dose –
GMA: 309
Atolls: 615 pic.twitter.com/4L6Kk8ZZ9V— Health Protection Agency (@HPA_MV) December 9, 2021
މިހާތަނަށް ރާއްޖޭގައި ކޮވިޑު 19 ވެކްސިންގެ ދެވަނަ ޑޯޒް ޖަހާފައިވާ މީހުންގެ އަދަދު 365،177 އަށް އަރާއިރު، ފުރަތަމަ ޑޯޒް ޖަހާފައިވާ މީހުންގެ އަދަދު 396،106 އަށް އަރަ އެވެ.
advertisment