އައްޑޫސިޓީ ފޭދޫގެ ދެ މިސްކިތަކަށް ބަޔަކު ވަދެ އެތަންތަނަށް ބޮޑުކަމު ގޮސްފިއެވެ.
ފޭދޫ މަގުއްދޫ ދާއިރާގެ ކައުންސިލަރު އާމިނަތު ސަލްމާ ވިދާޅުވީ، މިއަދު ފަތިހުގެ ވަގުތެއްގައި ފޭދޫގެ މަސްޖިދުލް އަމާނި އާއި މަސްޖިދުލް ނަޞްރި އަށް ވަދެ ބަޔަކު އެތަނަށް ގެއްލުން ދީފައިވާ ކަމަށެވެ. އަދި މިސްކިތް ތެރެއަށް ބޮޑުކަމު ގޮސް، އެތަން ހަޑިކޮށް، މިސްކިތުގެ ހުރުމަތް ކަނޑާލާފައިވާ ކަމަށްވެސް ސަލްމާ ވިދާޅުވިއެވެ.
މި މައްސަލައަކީ ކައުންސިލުން އިންތިހާއަށް ކަންބޮޑުވާ، ދަށު ދަރަޖައިގެ ފިނޑި އަމަލެއްގެ ގޮތުގައި ސަލްމާ ވަނީ ސިފަކުރައްވާފައެވެ. އަދި މި މައްސަލަ އަވަސް މައްސަލައެއް ގޮތުގައި ބެލުމަށް އައްޑޫ ފުލުހަށް ހުށަހަޅާފައިވާ ކަމަށްވެސް ސަލްމާ ވިދާޅުވިއެވެ.
ސަލްމާ ވިދާޅުވީ މި މުޑުދާރު އަމަލު ހިންގި މީހުންގެ މައްސަލަ އަވަސް މައްސަލައެއްގެ ގޮތުގައި ބައްލަވައި ދެއްވުމަށް އައްޑޫ ޕޮލިސް ސްޓޭޝަނަށް މިއަދު ހުށަހަޅާފައިވާ ކަމަށެވެ.
advertisment