އޭޑީކޭ އިން އިންތިޒާމްކޮށްގެން ކުރިއަށް ގެންދަން ހަމަޖެހިފައިވާ “ރަން ފޯ ޗެރިޓީ” އަންނަ ޖެނުއަރީ މަހު ބޭއްވުމަށް ނިންމައިފިއެވެ.
ރަން ފޯ ޗެރިޓީގެ ނަމުގައި ކުރިއަށް ގެންދާ މި އިވެންޓަކީ 35 ގަޑިއިރު ވަންދެން ހުއްޓުމެއް ނެތި ކުރިއަށް ގެންދާ ދުވުމުގެ ހަރާކަތަކެވެ. އިވެންޓް ކުރިއަށް ގެންދިއުމަށް ހަމަޖެހިފައިވަނީ އަންނަ ޖެނުއަރީ މަހުގެ 5 ވަނަ ދުވަހުގެ ހެނދުނު 09:00 އިން ފެށިގެން 6 ވަނަ ދުވަހުގެ ރޭގަނޑު 08:00 އަށެވެ.
އިވެންޓުގައި ދުވާ ކޮންމެ ކިލޯމީޓަރަކަށް 35 ރުފިޔާގެ އަދަދެއް ޓައިނީ ހާޓްސް އޮފް ދަ މޯލްޑިވްސް އަށް ޑޮނޭޓު ކުރެވޭނެ ކަމަށް މައުލޫމާތު ދީފައިވާ އިރު ބައިވެރިވާ ކޮންމެ ފަރާތަކަށް ސްޕޯޓްސް މެޑިކަލް ޕެކޭޖެއް ހިލޭ ލިބޭނެކަމަށް ވެސް އޭޑީކޭއިން ބުނެއެވެ.
Run for Charity#Dhuvaahithun
An event organized to kick off the celebrations of ADK’s 35th Anniversary in healthcare. This event will take place in Ekuveni Running Track.
For each kilometer run by a runner, we will donate MVR35/- to @TinyHeartsMV #adk35 pic.twitter.com/P6G3c8TfGx— ADK Hospital (@ADKHospital) December 25, 2021
މި ހަރަކާތުގައި ބައިވެރިވުމަށް ހުޅުވާލާފައިވަނީ އޮން-ސައިޓު ރަޖިސްޓްރޭޝަނެކެވެ. ބައިވެރިވާ ކޮންމެ މީހަކު މަދުވެގެން 1 ކިލޯމީޓަރުގެ ދުރުމިނަކަށް ދުވަން ޖެހޭނެކަމަށް އުސޫލުގައިވެއެވެ.
advertisment