މިދުވަސްކޮޅު ރާއްޖޭގައި ވައިރަލް ހުން ފެތުރެމުންދާތީ އެކަމަށް ސަމާލުވުމަށް ރައްޖޭގައި ދިރިއުޅެމުންދާ ހުރިހާ ރައްޔިތުންނަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން އިލްތިމާސް ކޮށްފިއެވެ.
އެޗްޕީއޭއިން ބުނީ، އާއްމު ސާފުތާހިރުކަމަށް ހާއްސަ ސަމާލުކަމެއް ދެއްވުމަށާއި ބޭރަށް ހިންގުމުގެ އިތުރަށް އެހެން އަލާމާތްތައް ފެންނަނަމަ ލަސް ނުކުރައްވާ ޑޮކްޓަރަށް ދެއްކުމަށް އިލްތިމާސް ކުރައްވާ ކަމަށެވެ.
އެޗްޕީއޭއިން ވަނީ ބޭރަށް ހިންގާނަމަ ގިނަގިނައިން ލޮނު ޕެކެޓާއި، ފެން އަދި ސޫޕް ފަދަ ދިޔާތަކެތި ބޭނުންކުރުމަށް އިލްތިމާސްކޮށްފައެވެ. އަދި ކާބޯތަކެތި ތައްޔާރުކުރުމުގެ ކުރިން ސައިބޯނި ލައިގެން ރަނގަޅަށް އަތް ދޮންނަން ވެސް ވަނީ އިލްތިމާސްކޮށްފައެވެ.
Prevent diarrhoea by:
????Using ORS, water, soup & other liquids.
????Washing hands with soap & water before cooking and after using the toilet.
????Staying home and resting.
????Avoiding crowded places. pic.twitter.com/43H5LtcfVj— Health Protection Agency (@HPA_MV) January 2, 2022
ބޭރަށްހިންގުމުގެ އަލާމާތްތައް ނުފެންނަތާ 1 ދުވަސް ނުވަނީސް ކުދިން ސްކޫލަށް ނުފޮނުވާ ގޭގައި ބޭތިއްބުމަށާއި، ވަޒީފާއަށްދާ މީހުން މަސައްކަތަށް ނުގޮސް ގޭގައި އަރާމު ކުރުމަށް ވެސް ވަނީ އަންގާފައެވެ. އަދި އާންމުން އެއްވެއުޅޭ ސަރަހައްދުތަކަށް ނުކުމެ އުޅުން މަދުކުރުމަށް ވެސް އެޗްޕީއޭއިން އަންގާފައެވެ.
advertisment