ރާއްޖޭގެ އެޗްއައިވީ ޖެހުނު 15 މީހުން މިހާރު ދުނިޔެ ދޫކޮށްފައިވާއިރު މި ވަގުތު 22 މީހުން ބައްޔަށް ފަރުވާހޯދަމުންދާ ކަަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެެވެ.
އެޗްޕީއޭއިން ހިއްސާކޮށްފައިވާ މައުލޫމާތުގައި މިދިޔަ އަހަރުގެ ޑިސެމްބަރުގެ ނިޔަލަށް އެޗްއައިވީ ޖެހުނު މީހުންގެ އަދަދު ވަނީ 40 އަށް އަރައިފައެވެ. އޭގެތެރޭގައި ހިމެނެނީ 6 އަންހެނުންނާއި 34 ފިރިހެނުންނެވެ.
އެޗްއައިވީ އަށް ދެވޭ ފަރުވާއަކީ އެންޓިރެޓްރޯ ވައިރަލް ޓްރީޓްމަންޓް ކަމަށްވާއިރު، 2004 ވަނަ އަހަރުން ފެށިގެން ރާއްޖޭގައިވެސް މިފަރުވާ ދެމުން އަންނަ ކަމަށް އެޗްޕީއޭ އިން ވަނީ ބުނެފައެވެ. މިއީ މުޅިން ހިލޭ ފޯރުކޮށްދެވޭ ފަރުވާއެެއް ކަމަށްވާއިރު އެޗްއައިވީން ރައްކާތެރިވުމުގެ ގޮތުން ދޭ ފަރުވާވެސް ރާއްޖެގައި ލިބެން ހުންނަ ކަމަށް ބުނެފައިވެއެވެ.
އެޗްއައިވީއަށް ޓެސްޓު ކުރުމަކީ މުހިއްމު ކަމެއްކަމަށާއި، އެގޮތުން ޓެސްޓްކޮށް ބަލި ނެތްކަން ޔަގީން ކުރުމަކީވެސް މުހިންމު ކަމެއްކަމަށް އެޗްޕީއޭއިން ބުނެފައިވެއެވެ. އަދި ބަލިވެ އިންނަތާ، އެންމެ ލަސްވެގެން ފުރަތަމަ ތިން މަސް ތެރޭގައި އެޗްއައިވީ ޓެސްޓް ހެދުމަކީ މުހިންމު ކަމަކަށްވާއިރު މީގެ ސަބަބުން މައިމީހާގެ ފަރާތުން ދަރިފުޅަށް އެޗްއައިވީ ވާސިލްވުން ހުއްޓުވޭނެ ކަމަށްވެސް ބުނެފައިވެއެވެ.
ބަލިން ރައްކާތެރި ވެވޭނެ ގޮތްތަކުގެ ތެރޭގައި އެޗްއައިވީ ޖެހިފަ ނުވާ ވަފާތެރި އެއް ބައިވެރިއަކާ އެކު ޖިންސީ ގުޅުން ހިންގުމުން އެޗްއައިވީ ޖެހުމުގެ ފުރުސަތު ކުޑަވާކަމަށާއި، އެކަކު ބޭނުންކޮށްފަ ހުންނަ ސިރިންޖު ނުވަތަ ކަށި ފަދަ ތަކެތި އަނެކަކު ބޭނުން ނުކުރުމުން ވެސް އެ ބަލިން ރައްކާތެރި ވެވޭނެކަމަށް އެޗްޕީއޭއިން ވަނީ ބުނެފައެވެ.
advertisment
One Response
ތީގެ ތެރެއިން އެކަކު އެއުޅެނީ ބާޒާރުމަތީ ސަލާންޖަހާ ހަކުރުބޯން. އޭނާގެ ގައިން ލެޔާ ދޮހާ ފައިބަ ފައިބާ އެހުންނަނީ. ރުޅިއަސިޔާ މީހިންގަޔަށް ކުޅުޖަހާ އެހަދަނީ. އޭނަގެ ފުށުން ކިތަށްމީހުނަށް އެބަލި ޖެހުނުތޯ ބެލުނުނުތަ. ނޫނީ އޭނަ ރައްކާތެރި މާހައުލަކަށް ލުމަށް ކިހާވަރަކައް އުޅުނުނުތަ. ނަންބަރުން ކީ މަ ނިމުނީ. ދެހުރި ކަންތައްތައް ހުރީ އަމާބުނީތީ ފަރަށް ދާއުސޫލުން.