މާލޭގައި ހޮޑުލުމާއި ބޭރަށް ކުއްލިއަކަށް އިތުރުވެފައިވަނީ ވަކި ކާނާއެއްގެ ސަބަބުން ނޫން ކަމަށް އެޗްޕީއޭ އިން ހާމަކޮށްފިއެވެ.
މާލޭގައި ކުއްލިއަކަށް އާދަޔާ ހިލާފު ބާރުމިނެއްގައި ކުޑަކުދިންގެ މެދުގައި ހޮޑުގެ ރޯގާއެއް ފެތުރެމުންދާއިރު ބައެއް ހޮސްޕިޓަލުތަކުގެ އިމަޖެންސީ ރޫމްތައް ވެސް މިހާރު ވަނީ ފުރިފަ އެވެ.
ކުއްލިއަކަށް ހޮޑުގެ ރޯގާއެއް ފެތުރެން ފެށީ މިނިވަން ދުވަހުގެ ހަރަކާތްތަކުގެ ތެރެއިން ބެހި މެޓާއެއްގެ ސަބަބުން ކަމަށް ބައެއް ނޫސްތަކުން ރިޕޯޓުކޮށްފައިވާއިރު އެޗްޕީއޭ އިން މިރޭ ބުނީ މިއީ ވައިރަހެއެއްގެ ސަބަބުން ފެތުރެމުންދާ ބައްޔެއް ކަމަށާއި މިއީ އެއްވެސް ކާނާއެއްގެ ސަބަބުން ފެތުރޭ ބައްޔެއް ނޫންކަން އެ އެޖެންސީން ހޯދި ހޯދުންތަކުން އެނގިފައިވާ ކަމަށެވެ.
🔸From preliminary epidemiological investigations, this sudden surge appears to be CAUSED BY A VIRUS. It DOES NOT appear to be spread by a specific FOOD.
🔸While we work to identify the specific cause, we urge the public to PRACTICE CAUTION.
(2/2)— Health Protection Agency (@HPA_MV) July 28, 2023
މާލެ ސަރަހައްދުގައި ހޮޑުލުމާއި ބޭރަށް ހިންގުމުގެ ބަލި ފެތުރޭތާ ދެ ހަފްތާ ވެފައިވާ ކަމަށްވެސް އެޗްޕީއޭ އިން ބުނެ އެވެ.
އެޗްޕީއޭ އިން ވަނީ ހޮޑުލައި ބޭރަށް ހިންގާ މީހުން ކުއްލިއަކަށް ގިނަވެފައިވާތީ އެކަމުގެ ސަބަބު ދެނެގަތުމަށް އަދިވެސް މަސައްކަތް ކުރަމުންދާއިރު ރައްކާތެރިކަމުގެ ފިޔަވަޅުތައް އެޅުމަށް އިލްތިމާސްކޮށްފަ އެވެ. އެގޮތުން ބަލީގެ އަލާމާތެއް އުޅޭނަމަ ބޭރަށް ނުނިކުމެ ގޭގައި މަޑުކުރުމަށާއި ގިނަގިނައިން އަތް ދޮވުމާއި މީހުން އެއްވާ ތަންތަނަށް ނުދިއުމަށް ވަނީ އިލްތިމާސްކޮށްފަ އެވެ.
advertisment