826 އެއާ ޓްރެފިކް މޫވްމެންޓާއިއެކު ވެލާނާ އިންޓަނޭޝަނަލް އެއާޕޯޓުން އާ ރިކޯޑެއް ހަދައިފައިވާ ކަމަށް މޯލްޑިވްސް އެއާޕޯޓްސް ކޮންޕެނީ (އެމްއޭސީއެލް) އިން ބުނެފިއެވެ.
ވެލާނާ އިންޓަނޭޝަނަލް އެއާޕޯޓުން މި ރިކޯޑު ހަދައިފައި ވަނީ މިއަހަރުގެ ޖެނުއަރީ މަހުގެ 1 ވަނަ ދުވަހުގައި ކަމަށް އެމްއޭސީއެލްއިން ބުނެފައިވެއެވެ. އެގޮތުން އެދުވަހު އެއާ ޓްރެފިކް މޫވްމަންޓްގެ ޖުމްލަ އަދަދަކީ 826 ކަމަށް އެއާޕޯޓްސް ކޮމްޕެނީއިން ބުންޏެވެ. އޭގެ ތެރޭގައި ހިމެނެނީ ރަންވޭއަށް ޖެއްސި 233 މަތިންދާ ބޯޓާއި 593 ސީޕްލޭންއެވެ.
We are pleased to announce that on January 2, 2022, @VelanaAirport set a new air traffic movement record.
There were 233 runway movements and 593 seaplane movements.
A total of 826 movements were made, setting a new record.The previous record was 811, on January 5, 2020. pic.twitter.com/89JY13dFVk
— Maldives Airports Company Ltd – MACL (@MACLmedia) January 3, 2022
އެއާޕޯޓް ކޮންޕެނީއިން ބުނެފައިވަނީ މީގެކުރިން އެއާ ޓްރެފިކް އެންމެ ގިނަ ދުވަހެއްގެ ގޮތުގައި ފާހަގަކުރެވިފައިވަނީ 2020 ވަނަ އަހަރުގެ ޖެނުއަރީ މަހުގެ 5 ވަނަ ދުވަހު ކަމަށެވެ. އެގޮތުން އެދުވަހު 811 އެއާ ޓްރެފިކް މޫވްމަންޓް ރިކޯޑް ކުރެވިފައިވާކަމަށް އެއާޕޯޓް ކޮންޕެނީއިން ބުންޏެވެ.
މިއަހަރު ނިމުމުގެ ކުރިން ދެމިލިއަން ފަތުރުވެރިން ގެނައުމަށް ޓޫރިޒްމް މިނިސްޓްރީއިން ވަނީ އަމާޒު ހިފާފައެވެ. ހުސްވި 2021 ވަނަ އަހަރުގެ ތެރޭގައިވެސް އެއްފަހަރާ ގިނަ ފަތުރުވެރިން އައުމާއެކު މައި އެއާޕޯޓުން ހިދުމަތްތައް ދިނުމުގައި ވަނީ ކޮންމެވެސް ވަރެއްގެ ދަތިތަކާއި ދިމާވެފައެވެ. ރާއްޖެއަށް ގިނަ ފަތުރުވެރިން ގެނައުމަށްޓަކައި މިނިސްޓްރީ އަދި އެމްއެމްޕީއާރްސީއިންވެސް އަންނަނީ ގިނަ މަސައްކަތްތަކެއް ކުރަމުންނެވެ.