ވެލާނާ އިންޓަރނޭޝަނަލް އެއަރޕޯޓުގައި ހުންނަ ނޫވިލު ސީޕްލޭން ޓާމިނަލްއަށް އިންޖިނިއަރިންގް ނިއުސް ރިކޯޑްގެ “2022 ގްލޯބަލް ބެސްޓް ޕްރޮޖެކްޓު” އެވޯޑު ލިބިއްޖެއެވެ.
ވީއައޭގެ ނޫސް ބަޔާނެއްގައި ފާހަގަކޮށްފައިވާގޮތުން، ނޫވިލު ސީޕްލޭން ޓާމިނަލްއަށް އެވޯޑު ލިބިފައިވަނީ އެއަރޕޯޓު/ ޕޯޓު ކެޓަގަރީއިންކަމަށެވެ. ވީއައިއޭ ހިންގަމުންދާ އެމްއޭސީއެލް މި އެވޯޑާއި ހަވާލުވެފައިވަނީ 10 އިންޖިނިއަރިންގް ނިއުސް ރިކޯޑު ގްލޯބަލް ޕްރޮޖެކްޓު އެވޯޑު ހަފްލާގައި ވާޗުއަލީ ބައިވެރިވެގެންނެވެ. މި އަހަރު މި އެވޯޑުގައި 18 ކެޓަގަރީވާއިރު 18 ގައުމަކުން 34 މަޝްރޫޢުއެއް ހިމެނުނެވެ.
ނޫވިލު ސީޕްލޭން ޓާމިނަލްއަކީ ދުނިޔޭގެ އެންމެ ބޮޑު ސީޕްލޭން ޓާމިނަލްއެވެ. އެ ޓާމިނަލްގެ ޑޮކުގައި 55 ސީޕްލޭންގެ ޖާގަ ހުރއެވެ. މިއީ ހަތަރު ބުރިއަށް އިމާރާތްކޮށްފައިވާ ޓާމިނަލްއެކެވެ. މި ޓާމިނަލް ބޭނުންކުރަން ފަށާފައިވަނީ މިއަހަރުގެ އޮކްޓޯބަރު މަހުގެ 6 ވަނަ ދުވަހުގައެވެ.