ހިޔާ ފްލެޓް ސަރަހައްދުގައި ހުރި ކުނިތަކެއްގައި ރޯވެފައިވާއިރު، އެކަން މެދުވެރިވާންވީ ސަބަބެއް ނޭނގޭކަމަށް ހައުސިންގ ޑިވެލޮޕމެންޓް ކޯޕަރޭޝަން (އެޗްޑީސީ) ގެ މީޑިއާ އޮފިޝަލް ބުނެފިއެވެ.
މީގެ ކުރިންވެސް އެތައް ފަހަރެއްގެ މަތިން ހިޔާ ފްލެޓް ސަރަހައްދުގައި ހުރި ކުނިތަކެއް ރޯވި އެވެ.
ސަންގުޓީވީއަށް މައުލޫމާތު ދެމުން އެޗްޑީސީގެ މީޑިއާ އޮފިޝަލް ވިދާޅުޅުވީ، ބައެއް ހާލަތްތަކުގައި އެ ސަރަހައްދުގައި ދިރިއުޅޭ ރައްޔިތުން ގަސްތުގައި ކުރާ ކަމެއް ކަމަށް ފާހަގަ ކުރެވޭ ކަމަށެވެ. އެހެންނަމަވެސް ކުނިތަކުގައި ރޯވާން މެދުވެރިވާ ސަބަބު ސީދާ ނޭނގޭ ކަމަށްވެސް ބުނެފައިވެއެވެ.
އެމްއެންޑީއެފް އިން ބުނީ ހުޅުމާލެ ދެވަނަ ފިޔަވަހީގައި ހުންނަ ހިޔާ ފްލެޓްތަކުގެ އުތުރަށް އޮންނަ ހިސާބުގައި ޖަމާކޮށްފައި ހުރި ކުނިތަކެއްގައި އަލިފާން ރޯވެގެން ފަޔާ އެންޑް ރެސްކިއު ޓީމުން ހަރަކާތްތެރިވެގެން އަލިފާންގަނޑު ނިވާލާފައިވާ ކަމަށެވެ.
ހުޅުމާލެ ދެވަނަ ފިޔަވަހީގައި ހުންނަ ހިޔާ ފްލެޓް ޓަވަރުތަކުގެ އުތުރު ފަރާތުން އޮންނަ ހުސްބިމުގައި ޖަމާކޮށްފައި ހުރި ކުނިތަކެއްގައި ރޯވި އަލިފާން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ނިއްވާލައިފި. އަލިފާން އެއްކޮށް ނިއްވާލާފައިވަނީ މިއަދު 18:12 ހާއިރު. pic.twitter.com/HOUIWseZTi
— Maldives National Defence Force (@MNDF_Official) January 4, 2022
މީގެކުރިންވެސް ހިޔާ ފްލެޓް ސަރަހައްދުގައި ޖަމާކޮށްފައިވާ ކުނިތަކުގައި އަލިފާން ރޯވެފައިވާކަން މީޑިއާތަކުން ރިޕޯޓު ކުރި އެވެ. އެގޮތުން މީގެކުރިން ހިޔާ ފްލެޓް ސަރަހައްދުގައި އަލިފާނުގެ ހާދިސާއެއް ހިނގައިފައި ވަނީ މިދިޔަ އަހަރުގެ ނޮވެންބަރު މަހުގެ 12 ވަނަ ދުވަހުގަ އެެވެ. އަދި އަލިފާން ރޯވީ 13 ވަނަ ޓަވަރުގެ ތިރީގައި ހުރި ކުނިތަކެއްގައި ކަމަށްވެއެވެ.
advertisment