އެއްކޮށްލި ހިޔާ ދެ އެޕާޓްމަންޓްގެ އެއްބަސްވުން ބާތިލްކޮށް، އެތަން ހުސްކުރަން އަންގައިފި

ހުޅުމާލޭގައި އިމާރާތްކޮށްފައިވާ ހިޔާ ފްލެޓްގެ ދެ އެޕާޓްމެންޓްގެ އެއްބަސްވުން ބާތިލްކޮށް އެތަން ހުސްކުރުމަށް އާރބަންކޯ އިން އަންގައިފިއެވެ.

ހިޔާ ފްލެޓުތަކުގެ އިމާރާތެއްގައި ދެ އެޕާޓްމަންޓް އެއްކޮށްލައިގެން ހަދާފައިވާ މައްސަލައިގައި، އެކޯޕަރޭޝަނުން ހެދިފައިވާ އުސޫލުތަކާއި ހިލާފަށް ދެފަރާތުން ވަނީ ދެ އެޕަރޓްމަންޓުގެ މެދު ފާރު ތަޅާލައި، 4 ކޮޓަރީގެ އެއް އެޕާޓްމަންޓަކަށް ބަދަލުކޮށްފައި ކަމައް އާރބަންކޯއިން ވަނީ ބުނެފައެވެ.

އާރބަންކޯއިން ނޫސްވެރިންނަށް ފޮނުވި މެސެޖެއްގައި ބުނެފައިވަނީ އެ މައްސަލަ ބެލުމަށް ފަހު ކޮންމެ އެޕާރޓްމަންޓެއް، 100،000ރ އިން ޖޫރިމަނާކޮށް، ފަސް ދުވަހުގެ ތެރޭގައި ދެ ފަރާތުން ވެސް އެ ފައިސާ ދެއްކުމަށް ވަނީ އަންގާފައި އަދި 10 ދުވަހުގެ ތެރޭގައި އެޕާޓްމަންޓް ހަވާލު ކުރެވުނު އިރު ހުރި ގޮތަށް އިޔާދަކުރުމަށް އަނގާފައިވީނަމަވެސް މިކަން މުގޮތަށް ކޮށްފައި ނުވާތީ، 14 ދުވަސް ތެރޭގައި ކޯޕަރޭޝަނަށް ފުލެޓް ހަވާލު ކުރުމަށް މިއަދު ވަނީ ވެރިފަރާތްތަކަށް އަންގާފައި ކަމަށެވެ.

އާބަންކޯއިން ބުނީ އިމާރާތުގެ އިންޓީރިއަރ ހެދުމުގެ މަސައްކަތް ކުރި އިރު، އެކުލަވާލި އުސޫލުތަކާއި ހިލާފަށް ދެ ފްލެޓު ވެސް ލިބިފައިވާ މީހުން މެދު ފާރު ތަޅާލައި، 4 ކޮޓަރީގެ އެއް އެޕާޓްމަންޓަކަށް ބަދަލުކޮށްފައިވާކަމަށެވެ. އެހެންވެ މައްސަލަ ބެލުމަށް ފަހު ކޮންމެ އެޕާޓްމަންޓެއް، 100،000 ރުފިޔާއިން ޖޫރިމަނާކޮށް، ފަސް ދުވަހުގެ ތެރޭގައި ދެ ފަރާތުން ވެސް އެ ފައިސާ ދެއްކުމަށް ވަނީ އަންގާފައިވާކަމަށް މައުލޫމާތު ދިނެވެ. އެހެންކަމުން، އެ މީހުން ޖުމްލަ ދެ ލައްކަ ރުފިޔާ ޖުރިމަނާއެއްގެ ގޮތުގައި ދައްކަން ޖެހޭނެ އެވެ.

އާބަންކޯގެ ހުއްދައާއި ނުލައި، ހިޔާ ފްލެޓުތަކުގެ ސްޓްރަކްޗާއަށް ބަދަލުތައް ގެންނަ މީހުންނާއި މެދު ފިޔަވަޅު އަޅާނެކަން މީގެ ކުރިން ވެސް ހާމަކޮށްފައި ވެއެވެ. އެގޮތުން ކުންފުނިން ވަނީ ބައެއް މީހުން ހިޔާގެ ފްލެޓުތަކަށް ބަދަލު ގެންނަމުންދާކަން ފާހަގަކުރެވިފައިވާއިރު، އެފަދަ މައްސަލަތައް ބަލައި ފިޔަވަޅު އަޅާނެ ކަމަށެވެ.

ބައެއް މީހުން ފްލެޓުތަކުގެ ފާރުތަޅާލައި، ގެންނަ ބަދަލުތައް ފެންނަ ފޮޓޯތައް މީހުން ފޭސް ދޭއްއަށް ބަދަލުވަމުން ދިޔަ ދުވަސްވަރު ވަރަށް އާމުވި އެވެ.

އެގޮތުން ބްލްކަނީ އިތުރަށް ފުޅާ ކުރުމާއި، އެތެރެ ފާރަށް ބަދަލު ގެނެސް އެއް ކޮޓަރި އަނެއް ކޮޓަރިއާއި ގުޅުވާލުން ހިމެނެ އެވެ. އެކަމަކު ދެ އެޕާޓްމެންޓެއް އެއް އެޕާޓްމަންޓަކަށް ބަދަލުކުރިކަމަށް ފެންމަތިވި މިއީ ފުރަތަމަ މައްސަލަ އެވެ.