ކުނި މެނޭޖްކުރުމަށް ހިންގާ މަޝްރޫއުގެ މަސައްކަތްތައް ރައީސް ބައްލަވާލައްވައިފި

ތިލަފުށީގައި ކުނި މެނޭޖްކުރުމަށް ހިންގާ ބިޔަ މަޝްރޫއުގެ މަސައްކަތްތައް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ބައްލަވާލައްވައިފި އެވެ.

އިއްޔެ ތިލަފުއްޓަށް ވަޑައިގެން ރައީސް ވަނީ ސަރުކާރުން ހިންގާ ވޭސްޓް މެނޭޖްމަންޓް ޕްރޮޖެކްޓުގެ މަސައްކަތްތައް ކުރިއަށްދާގޮތް ސައިޓުތަކަށް ވަޑައިގެން ބައްލަވާލައްވާފައެވެ. އަދި މި ޕްރޮޖެކްޓުގެ މަސައްކަތްކުރިއަށްދާގޮތުގެ މައުލޫމާތު އޮޅުންފިލުއްވި އެވެ.

President @ibusolih visits Thilafushi Island and inspects progress of the Greater Malé Environmental Improvement and Waste Management Project. pic.twitter.com/Dbldun19KT

— The President's Office (@presidencymv) January 13, 2022

ރައީސް ތިލަފުއްޓަށް ކުރެއްވި ޒިޔާރަތުގައި، އެމަނިކުފާނުގެ އަރިހުގައި މިނިސްޓަރ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް ޓެކްނޯލޮޖީ އާމިނަތު ޝައުނާ ވަނީ ބައިވެރިވެވަޑައިގެންފައެވެ. އޭގެ އިތުރުން ސައުކާރުގެ ކުންފުނިތަކުގ އިސްވެރިންނާއި އެންވަޔަރަމަންޓް މިނިސްޓްރީގެ ވޭސްޓް މެނެޖްމަންޓް ޑިޕާޓްމެންޓެގެ އިސްވެރިންވެސް ބައިވެރިވެވަޑައިގެންނެވިއެވެ.

ޒަމާނާއި އެއްގޮތަށް މާލޭގެ ސަރަހައްދުގެ ކުނި މެނޭޖުކުރުމުގެ ކަންކަން މިހާރަަށްވުރެ ހަރުދަނާ ކުރުމަށް “ގްރޭޓަރ މާލޭ އެންވަޔަރަމަންޓަލް އިމްޕްރޫވްމަންޓް އެންޑް ވޭސްޓް މެނޭޖްމަންޓް ޕްރޮޖެކްޓް” ސަރުކާރުން ލޯންޗު ކުރީ މިދިޔަ ޑިސެމްބަރު މަހު އެވެ. މިއީ ކުނި މެނޭޖު ކުރުމަށް ހިންގޭ އެންމެ ބޮޑު އަދި ބިޔަ މަޝްރޫއު އެވެ.

ދެ ފިޔަވަށްސަކަށް ބަހާލައިގެން ކުރިއަށްގެންދާ މި މަޝްރޫއުގެ ފުރަތަމަ ފިޔަވަހީގެ ދަށުން ކުރިޔަށް ގެންދަން ޖެހޭ އިންފްރާސްޓްރަކްޗާގެ މަސައްކަތުގެ ބޮޑުބައެއް މިހާރު ވަނީ ނިމިފައެވެ.