މާލެ ސިޓީ ކައުންސިލްގެ އާންމު ބައްދަލުވުމުގައި އޯޓިޒަމް ހުންނަ ކުދިންނަށް މަލާމާތްކޮށް ވާހަކަދެއްކެވުމުން ޖެންޑަރ މިނިސްޓަރ އައިޝަތު މުހައްމަދު ދީދީ ނުރުހުން ފާޅުކުރައްވައިފިއެވެ.
މާލެ ސިޓީ ކައުންސިލްގެ މެދު ހެންވޭރު ދާއިރާގެ ޕީޕީއެމް މެމްބަރު އާދަމް ރަމީޒް ވަނީ ބައެއް މިނިސްޓްރީތަކުގައި ތިއްބަވަނީ އޯޓިޒަމް ކުދިންކަން ފާހަގަކުރެވޭ ކަމަށް ވިދާޅުވެފައެވެ. އެގޮތުން މިނިސްޓްރީ އޮފް ނޭޝަނަލް ޕްލޭނިން ހައުސިން އެންޑް އިންފްރާސްޓްރަކްޗަރގެ ސްޓޭޓް މިނިސްޓަރ އަކްރަމް ކަމާލުއްދީންއަކީ އޯޓިޒަމް ކުއްޖެއްކަމަށް ވިދާޅުވިއެވެ.
ސިޓީ ކައުންސިލްއިން މަސައްކަތެއް އުޅޭ ކޮންމެ ފަހަރަކު މިނިސްޓްރީއިން ސިޓީ ފޮނުވާ، އެކަމެއް ނުވާނޭ ބުނާކަމަށް އާދަމް ރަމީޒް ވިދާޅުވިއެވެ. އަދި އަކްރަމް މިފަދައިން ކަންކުރައްވަނީ ގާނޫނުގައި އެކަން އޮތް ގޮތް ނުބައްލަވާ، ބާރެއް ލިބިފައި އޮތީތީ ކުރާ ކަމެއްގެ ގޮތުގައިކަމަށް ވިދާޅުވިއެވެ.
އާދަމް ރަމީޒްގެ މިވާހަކަތަކާއި ގުޅިގެން ޖެންޑަރ މިނިސްތަރ އައިޝަތު މުހައްމަދު ދީދީ ވަނީ މިފަދަ ބަހުރުވާ ބޭނުންކޮށްގެން ވާހަކަ ނުދެއްކުމަށް އަންގަވާފައެވެ. އަދި މިފަދަ ކަންކަމަކީ ބަލައިގަނެވޭނެ ކަމެއްނޫންކަމަށް ވަނީ ވިދާޅުވެފައެވެ.
ސިޓީ ކައުންސިލް ޖަލްސާގައި ހާއްްސައެހީއަށް ބޭނުންވާ ކުދިންނަށް ހަޖޫ ޖަހާ މަލާމަތް ކުރުން މީ ބަލައިގަނެވޭނެ ކަމެއް ނޫން pic.twitter.com/76sCfNBnMh
— Aishah Didi (@aishamdidi) January 19, 2022
ކައުންސިލް މެމްބަރު އާދަމް ރަމީޒް މިހާރު ވަނީ މިކަމަށް މައާފަށް އެދިވަޑައިގެެންފައެވެ. އަދި އަކްރަމްއާއި ގުޅޭގޮތުން އެގޮތަށް ވާހަކަ ދެއްކެވީ އޯޓިޒަމް ހުންނަކުދިންނަށް ކުދިންނަށް ކުޑައިމީސް ބަހެއް ބުނުމުގެ ނިޔަތުގައި ނޫންކަމަށް އާދަމް ރަމީޒް ވިދާޅުވިއެވެ.
Miadhuge Council Bahdhaluvunugai Alhuganduge vaahakaa gai Akram kamaaludheen ah Muhaathabunkoh Autistic Meeheh kamah bunevuneethee Maafah edhen. Eh ee Ehgothakah ves Autistic Kudhinnah Kudaimees Bahehge gothugai Dhekevadai Nugathun edhen.Varah Bodah Maafu????????
— Adam Rameez ( Ramy ) (@AdamRamyz) January 19, 2022
އާދަމް ރަމީޒަށް ގިނަ ބައެއްގެ ފާޑުކިޔުމާއި ނުރުހުން އަންނަނީ އަމާޒުވަމުންނެވެ. މީގެ ކުރިންވެސް ސިޔާސީ ބޭފުޅުން މިފަދަ މޭރުމުން ވާހަކަދެއްކެވުމުން އެކަން އެގޮތަށް ނުކުރުމަށް ޖެންޑަރ މިނިސްޓްރީއިންވެސް އަދި ގިނަ ބެލެނިވެރިންވެސް ވަނީ އެދިފައެވެ.
advertisment