ބްރިޖް ސަރަހައްދުގައި ސާމްޕަލް ނަގާ ސެންޓަރެއް ހުޅުވައިފި

ސިނަމާލެ ބުރިޖު ޕާކިން ޒޯނުގައި ކޮވިޑު ސާމްޕަލް ނަގާ ސެންޓަރެއް ހުޅުވައިފިއެވެ.

ބްރިޖް ޕާކިން ޒޯންގައި ހުޅުވާފައިވާ ސާމްޕަލް ނަގާ ސެންޓަރުން މިއަދު ހެނދުނު 09؛00 އިން ފެށިގެން އަންނަނީ ސާމްޕަލް ނެގުމުގެ ހިދުމަތް ދެމުންނެވެ.

އަލަށް ހުޅުވި ސާމްޕަލް ސެންޓަރުން ހޮނިހިރު ދުވަހުން ފެށިގެން ބުރާސްފަތި ދުވަހާ ހަމައަށް ކޮންމެ ދުވަހަކު ހެނދުނު 9:00 އިން މެންދުރު 12:00 އަށް، އަދި މެންދުރުފަހު 3:00 އިން ފެށިގެން ހަވީރު 6:00 އަށް ސާމްޕަލް ނަގައިދޭނެއެވެ.

ހުކުރު ދުވަހު އެ ސެންޓަރުން ސާމްޕަލް ނަގައިދޭނީ މެންދުރުފަހު 3:00 ފެށިގެން ހަވީރު 6:00 އަށް ކަމަށް އެޗްޕީއޭއިން ބުންޏެވެ.

މިފަހުން އެޗްޕީއޭއިން ވަނީ ހިޔާ ފްލެޓް ސަރަހައްދުގައި އަދި ހެންވޭރު ދަނޑުގައިވެސް ސާމްޕަލް ނަގާ ސެންޓަރު ހުޅުވާފައެވެ.