އެމްޑީޕީ މެމްބަރުންނާ ސަޕޯޓަރުންގެ ތެރޭގައި ބައެއްބާވަތުގެ ނުތަނަވަސްކަން ނެތްނަމަ، މިއަދުގެ އިންތިޚާބު މާބޮޑުތަނުން ކާމިޔާބު ކުރެވުނީސް ކަމުގައި އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑެ) ވިދާޅުވެއްޖެއެވެ.
އޭނާކުރެއްވި ޓްވީޓްގައި އިތުރަށް ވާގޮތުން މިވަގުތަކީ ޕާޓީގެ ދޭދޭ މެމްބަރުންގެ އަޑު ސަރުކާރުން އަހައި ގެއްލިފައިވާ ޕާޓީގެ އިތުބާރު ނަގަހައްޓަންޖެހިފައިވާ ވަގުތުކަމުގައެވެ.
އެމްޑީޕީ މެމްބަރުންނާ ސަޕޯޓަރުންގެ ތެރޭގައި ބައެއްބާވަތުގެ ނުތަނަވަސްކަން ނެތްނަމަ، މިއަދުގެ އިންތިޚާބު މާބޮޑުތަނުން ކާމިޔާބު ކުރެވުނީސް. މެމްބަރުންނާ ސަޕޯޓަރުންގެ އަޑުއަހައި، މި ނުތަނަވަސްކަން ފިލުވާލައި އާހިތްވަރާއެކު އެމްޑީޕީ ހިންދެމިލާންޖެހޭ. ޕާޓީގެ އިތުބާރު ނަގަހައްޓަންޖެހޭ.
— Waddey (@waddey_) February 5, 2022
ނިމިގެން ދިޔަ ކޮމަންޑޫ ދާއިރާގެ އިންތިހާބުގައި އެމްޑީޕީ އަށް ލިބުނު ކާމިޔާބީ އާއި މެދު ހިތްހަމަ ނުޖެހުން ޕާޓީގެ ލީޑަރޝިޕްގައި ހިމެނޭ ބައެއް ބޭފުޅުން ސިފަ ކުރަމުންދާއިރު ޕާޓީގެ ރައީސް، ރައީސް ނަޝީދުވެސް ވަނީ އެމްޑީޕީގެ ވަޓްސްއެޕް ގުރޫޕަށް ފޮނުއްވި މެސެޖެއްގައި އިންތިހާބުން 50 އިންސައްތަ ނުލިބޭ ކަމަށް ވިދާޅުވެ، ރާއްޖެއަށް ބަރުލަމާނީ ނިޒާމް ނުގެނެވިއްޖެ ނަމަ ވެރިކަމުގައި ނުތިބެވޭނެ ކަމުގައި ނަޝީދުގެ ވިދާޅުވިއެވެ.
ނަޝީދަކީ އަބަދުވެސް ބަރުލަމާނީ ނިޒާމަށް ތާއީދު ކުރައްވައި އެކިއެކި ޖަލްސާ ތަކުގައ ވަކާލާތު ކުރައްވާ ބޭފުޅެކެވެ. އެމަނިކުފާނު ދެކިލައްވާގޮތުގައި ރައްޔިތުންނާއި ރާއްޖެއަށް އެންމެ ފައިދާހުރި ވެރިކަމުގެ ނިޒާމަކީ ބަރުލަމާނީ ނިޒާމެވެ.
advertisment