ޓެރަރިސްޓް ޖަމާއަތެއް ކަމަށްވާ އިސްލާމިކް ސްޓޭޓް ނުވަތަ އައިއެސް ގެ އިސް މީހަކު ރާއްޖެއިން ހައްޔަރުކޮށްފައިވާކަމަށް ކޮމިޝަނަރ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.
ކޮމިޝަނަރުގެ ކުރެއްވި ޓްވީޓެއްގައި އޭނާ ހައްޔަރުކުރީ ދިވެހި ފުލުހުންނާއި އެފްބީއައި ގުޅިގެން، އެހެން ދެ ގައުމެއްގެ ތަހްގީގީ އިދާރާތަކުގެ އެހީގައި ކަމަށާއި އޭނާ ހައްޔަރުކޮށްފައިވަނީ މިދިޔަ ޖަނަވަރީ މަހުގެ ހަވަނަ ދުވަހު ފުލުހުން ހިންގި ހާއްސަ އޮޕަރޭޝަނެއްގައި ކަމަށެވެ.
In a joint operation involving the @FBI and authorities from two European Union nations, @PoliceMv arrested a 30 year old Maldivian man in Male’ on 6th Jan 2022. He is alleged of being a prominent operative associated with the proscribed terrorist organisation “Islamic State”.
— Mohamed Hameed (@M_Hameedh) February 23, 2022
މީގެ އިތުރުން އޭނާ އަކީ 30 އަހަރުގެ ދިވެހި ފިރިހެނެއް ކަމަށާއި އޭނާ އަންނަނީ ޓެރަރިޒަމަށް ހިތްވަރުދޭ ތަފާތު އެކި ކެމްޕޭންތައް މި މުޖުތަމައުގައި އުޅެމުން ހިންގަމުން ކަމުގައިވެސް ސީޕީ ހަމީދު އިތުރަށް ވިދާޅުވެފައިވެއެވެ.
އެގޮތުން މީނާ ވަނީ ޝޯސަލް މީޑިއާ މެދުވެރިކޮށް ޓެރަރިޒަމްގެ އަމަލުތައް ހިންގުމުގެ އެކި ކެމްޕޭންތައް ރާވައި އެކަމަށް ފާޅުގައި ގޮވާލާފައި ކަމަށްވެސް ވިދާޅުވިއެވެ.
“2015 ވަނަ އަހަރުން ފެށިގެން އޭނާ މިކަންކަން ހިންގަމުން ދިޔައީ ރާއްޖޭގައި، ދިވެހިންގެ ތެރޭގައި އުޅެމުން” ސީޕީ ހަމީދު
އޭގެތެރޭގައި ޓެރަރިސްޓް ހަމަލާތައް ދިނުމަށް އެކި ގައުމުތަކުގައި ގޮވާލުމުގެ އިތުރުން ހުޅަނގު ގައުމުތަކުގެ ބައެއް ލީޑަރުން މެރުމަށް ގޮވާލާފައިވާކަންވެސް ސީޕީ ހަމީދު ފާހަގަކުރެއްވިއެވެ.
advertisment