މާލޭގައި ރޭ ހިންގި ހާއްސަ އޮޕަރޭޝަންގައި 17 ކިލޯގެ މަސްތުވާތަކެތި އަތުލައިގެންފައިވާ ކަމަށް ފުލުހުން ބުނެފިއެވެ.
ފުލުހުން ބުނީ އެ އޮޕަރޭޝަން ހިންގާފައި ވަނީ ވައިގެ މަގުން ރާއްޖެއަށް މަސްތުވާތަކެތި އެތެރެކޮށްފައިވާ ކަމަށް ކަސްޓަމްސުން ދިން މައުލޫމާތަކާ ގުޅިގެން ކަމަށެވެ.
“އެ އޮޕަރޭޝަނުގައި 17 ކިލޯގެ މަސްތުވާތަކެތި ހޯދައި ފުލުހުންގެ ބެލުމުގެ ދަށަށް ވަނީ ގެންގޮސްފައި،” ފުލުހުން ބުންޏެވެ.
އަދި އެ އޮޕަރޭޝަންގައި ދެ ދިވެހިންނާއި ބަންގްލަދޭޝްގެ ދެ މީހަކު ހައްޔަރުކޮށްފައިވާ ކަމަށްވެސް ފުލުހުން ބުންޏެވެ.
ނަމަވެސް އަތުލައިގަތީ ކޮން ކަހަލަ މަސްތުވާތަކެއްޗެއް ކަމެއް އަދި ހައްޔަރުކުރި މީހުންގެ ވަނަވަރެއް ފުލުހުން އަދި ހާމައެއް ނުކުރެއެވެ. އެ މައުލޫމާތަކީ ފުލުހުން އާންމުކޮށް، އާންމުކުރާ މައުލޫމާތެކެވެ.
advertisment