ހުޅުމާލޭގައި އެމްޑީޕީ “ހިންގާލަން” ޓީމުގެ ފަރާތުން، ޗެއާރޕާސަންގެ މަގާމަށް ވާދަކުރަށްވާ ކެންޑިޑޭޓް ފައްޔާޒު އިސްމާއިލްގެ ކެމްޕެއިން ޖަގަހަ ހުޅުވަން އެޕާޓީގެ މެމްބަރުންނަށް ދައުވަތު އަރުވައިފިއެވެ.
“ހިންގާލަން” ޓީމުގެ ކެމްޕެއިން މެނޭޖަރ ގޮތުގައި މަސައްކަތް ކުރަށްވާ ފެނަކަ ކޯޕޮރޭޝަންގެ ޑެޕިއުޓީ މެނޭޖިން ޑިރެކްޓަރު އިބްރާހިމް ވަހީދު ވިދާޅުވީ މިރޭ 21:30 ގައި ހުޅުމާލޭގެ ހިރުނދު މަގުގައި ހުންނަ މި ޖަގަހަ ހުޅުވުމުގެ ރަސްމިއްޔާތު އޮންނާނެ ކަމަށާއި އެމްޑީޕީގެ އެންމެހާ މެމްބަރުންނަށް ދައުވަތު އަރުވާ ކަމަށެވެ.
މިޖަގަހަ ހުޅުވަން ނިންމާފައި މިވަނީ މޭ 14 ވަނަ ދުވަހު ބޭއްވުމަށް ހަމަޖެހިފައިވާ އެމްޑީޕީގެ ޗެއަރ ޕާސަން އިންތިހާބުގެ ވާދަވެރިކަން އިންތިހާއަށް ބޮޑުވެ، ވާދަވެރިންގެ ތެރޭ ބަހުގެ ހަމަލާތައްވެސް ރައްދު ކުރެވެމުން ދާ ދަންޑިވަޅެއްގައިއެވެ.
#MDPhingaalan Hulhumale camapaign jagaha hulhuvun
17 April 2022, Sunday
9:30 pm
Hirundhu Magu, Hulhumale
MDP membarunah dhauvathu aruvan pic.twitter.com/m3U0i7tiVI— Ibrahim Waheed (@ibreys) April 16, 2022
ޗެއާރޕާސަންގެ މަގާމަށް ވާދަކުރަށްވާ ކެންޑިޑޭޓް، އިގްތިސޯދީ ވަޒީރު ފައްޔާޒު އިސްމާއިލް ވިދާޅުވަމުންދަނީ ޖަގަހަތަކަކީ އިންތިހާބުތަކަށް އެކަނި “ހިންގާލަން” ހުޅުވާ ތަންތަން ނޫން ކަމަށާއި ޖަގަހަ ތަކުގައި އެމްޑީޕީގެ ރޫހު އަލާކޮށް ރާއްޖެ ހިންގުމަށްޓަަކައި އަބަދުވެސް މަސައްކަތްތައް ކުރެވެންޖެހޭ ކަމަށެވެ.
advertisment