މީޑިއާ ކައުންސިލްގެ ތިޖޫރި ފަޅާލައިފި

މޯލްޑިވްސް މީޑިއާ ކައުންސިލް (އެމްއެމްސީ) ގެ ތިޖޫރި ފަޅާލައިފި އެވެ.

މީޑިއާތަކަށް މައުލޫމާތުދެމުން އެމްއެމްސީން މިއަދު ބުނެފައިވަނީ އެ ކައުންސިލުގެ ތިޖޫރި ފަޅާލާފައިވަނީ ރޭގެ ވަގުތެއްގައި ކަމަށާއި އެކަން އެނގުނީ ހެނދުނު 08:43 ގައި މުވައްޒަފުން އޮފީހަށް ނިކުތުމުން ކަމަށެވެ.

މީޑިއާ ތަކުގެ ސަމާލުކަމަށް:
ރޭގެ ވަގުތެއްގައި ވަނީ މީޑިއާ ކައުންސިލްގެ ތިޖޫރި ފަޅާލާފައެވެ.
އެކަން މީޑިއާ ކައުންސިލަށް އެގިފައިވަނީ މިއަދު ހެނދުނު 8:43 ގައި މުވައްޒަފުން އޮފީހަށް ނުކުތުމުން. އެހިސާބުން އެކަން ވާނީ ދިވެހި ފުލުހުންގެ ޙިދުމަތަށް އަންގާފަ.
1/2 pic.twitter.com/ec0ZUMnabr

— Maldives Media Council (@mmc_mv) April 26, 2022

ތިޖޫރި ފަޅާލެވިގެން ދިޔައިރު ތިޖޫރީގައި ހުންނާނީ 3612 ރުފިޔާ ކަމަށާއި އެއީ ޕެޓީ ކޭޝްގެ ގޮތުގައި ގެންގުޅޭ ފައިސާކަމަށް އެމްއެމްސީން ބުނެފައިވެއެވެ.

އެމްއެމްސީން އިތުރަށް ބުނެފައިވަނީ އެ މައްސަލަ މިހާރު ޕޮލިހަށް ހުށަހަޅާފައިވާނެކަމަށެވެ.