ކ. މާފުށީގައި ބަޔަކަށް ތޫނު އެއްޗަކުން ހަމަލާދޭން އުޅުނުކަމުގެ ތުހުމަތުގައި ބަޔަކު ހައްޔަރުކޮށްފިއެވެ.
ފުލުހުން ބުނީ މާފުށީގައި މީހަކަށް ތޫނު އެއްޗަކުން ހަމަލާދޭން އުޅުނު މައްސަލައެއް މިދިޔަ ބުރާސްފަތި ދުވަހު ފުލުހުންނަށް ހުށައަޅާފައިވާކަމަށެވެ.
މި މައްސަލައާއި ގުޅިގެން 20 އަހަރުގެ ފިރިހެނަކާއި 21 އަހަރުގެ ފިރިހެނެއް ހައްޔަރުކޮށްފައިވާކަމަށާއި، އެމީހުން ހައްޔަރުކޮށްފައިވަނީ މާފުށިން މާލެ އައިތަނުންކަމަށް ފުލުހުން ބުނެއެވެ.
އެ ދެމީހުންގެ ބަންދާމެދު ގޮތެއް ނިންމުމަށް ކޯޓަށް ޙާޒިރުކުރުމުން އެމީހުންގެ ބަންދަށް 15 ދުވަހުގެ މުއްދަތެއް ޖަހައިދީފައިވާކަމަށްވެސް ފުލުހުން ބުނެއެވެ.
މި މައްސަލަ އިތުރަށް ތަހްގީގްކުރަމުން އަންނަކަމަށްވެސް ފުލުހުން ބުނެއެވެ.
advertisment