މ. ކޮޅުފުށީ ކައިރީގައި ދެ ދޯނި ކައިރިކޮށްގެން އުޅެނިކޮށް ދެ ދޯނި ދޭތެރެއަށް ވެއްޓުނު މީހަކު ފިތިގެން މަރުވެއްޖެއެވެ.
ފުލުހުން ބުނީ، މި ހާދިސާ ހިނގައިގެން އެކަމުގެ މައުލޫމާތު ފުލުހުންނަށް ލިބިފައި ވަނީ މިއަދު ހަވިރު 4:41 ހާއިރު ކަމަށެވެ.
މި ހާދިސާގައި ދެ ދޯނި ދޭތެރެއަށް ފިތުނު މީހާ ނަގައިގެން މުލީ ރީޖަނަލް ހޮސްޕިޓަލަށް ގެންދިޔަ އިރުވެސް އެމީހާ ވަނީ މަރުވެފައި ކަމަށް އެ ހޮސްޕިޓަލާ ހަވާލީ ފުލުހުން ބުނެއެވެ.
މި ހާދިސާގައި ބަލަން ޖެހޭ ކަންކަން ބަލަމުންދާ ކަމަށް ފުލުހުން ބުނެއެވެ.
advertisment