ކުނިތައް ވަކިކޮށް ބެހެއްޓުމަށް ބޭނުންވާ ކޮތަޅުތައް ސަރުކާރުގެ ހަރަދުގައި ރައްޔިތުންނަށް ފޯރުކޮށްދޭން މާލެ ސިޓީ ކައުންސިލްގެ މޭޔަރު ޑރ. މުހައްމަދު މުއިއްޒު ގޮވާލައިފި އެވެ.
އެކި ބާވަތުގެ ކުނިތައް ވަކިކޮށް އުކާލަން ޖެހޭ ގޮތަށް ވެމްކޯއިން އައު އުސޫލެއް އާއްމުކޮށްފައި ވާއިރު، އޭގެ ދަށުން ތިން ބަޔަކަށް ކުނިތައް ބަހާލަން ޖެހެ އެވެ. ރާއްޖޭގައި ޕްލާސްޓިކު ބޭނުން ކުރުން އެއްކޮށް ހުއްޓާލުމުގެ އަމާޒު ހިފާފައި ވީ ނަމަވެސް ތިމާވެށީގެ ދާއިރާ ރައްކާތެރި ކުރުމަށް އެކަށީގެންވާ މަސައްކަތްތަކެއް ނުކުރާކަމަށް ބުނެ މި މައްސަލައިގައި ފާޑުކިއުންތައް ވަނީ އަމާޒުވެފަ އެވެ.
ރީ ސައިކަލް ކުރުމާއި، ތިމާވެށި ހިމާޔަތް ކުރުމަށް އަދި ކުނިތައް ވީހާވެސް ރައްކާތެރި ގޮތެއްގައި ނައްތާލުމަށް ގިނަ މަސައްކަތްތަކެއް ކުރަން ޖެހޭކަން ފާހަގަކޮށް އިދިކޮޅު ޕީޕީއެމްގެ ނައިބު ލީޑަރުކަން ވެސް ކުރައްވާ މުއިއްޒު ވިދާޅުވީ ރައްޔިތުންގެ މައްޗަށް ކަންކަން ލާޒިމު ކުރާއިރު އެއީ ރަނގަޅަށް ޕްލޭން ކުރެވިފައިވާ އުސޫލަކަށް ވާން ޖެހޭ ކަމަށެވެ. އަދި އެންމެ މުހިންމީ އެއީ އުފުލޭވަރުގެ ބުރައަކަށް ވުންކަމަށް މުއިއްޒު ވިދާޅުވި އެވެ.
Recycle kuran jeheyne. Thimaaveshi himaayai kurun varah muhimmu.Namaves rayyithun mahchah kankan laazimu kuraairu, plan kurevigen, rayyithunnah ufuley varuge bura eh havaalu kurun muhimmu.Kuni vakikoh behettumah beynunvaa saamanu sarukaaru kharadhuga rayyithunnah dhevvun muhimmu
— Dr Mohamed Muizzu (@MMuizzu) June 1, 2022
އެހެންވެ ކުނި ވަކިކޮށް ބެހެއްޓުމަށް ބޭނުންވާ ސަމާނުތައް ނުވަތަ ކޮތަޅުތައް ސަރުކާރުގެ ހަރަދުގައި ފޯރުކޮށްދިނުމަށް މުއިއްޒު ގޮވާލި އެވެ.
ވެމްކޯއިން އާއްމު ކުރި އުސޫލުގެ ދަށުން ޖޫން މަހުގެ 01 ވަނަ ދުވަހުން ފެށިގެން މާލޭ ސަރަހައްދުގައި ކުނި އުކާލަން ނެރޭއިރު ކުނިވާ ޒާތުގެ ކުުންޏާއި، ޕްލާސްޓިކް ފުޅި އެކުލެވޭ ކުނި އަދި އެހެނިހެން ކުނިތައް ވަކި ކުރަން ޖެހެ އެވެ.
advertisment