ރާއްޖެ ބަނގުރޫޓުވާނެކަމުގެ އިންޒާރު މާލީ އިދާރާތްތަކާއި ބެހޭ ބައިނަލްއަގުވާމީ އިދާރާތްތަކުން ދީފައިވާ މި ދަނޑިވަޅުގައި ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ޓްވީޓެއް ކުރައްވާ ރައީސް ސާލިހް ގާތު އަމިއްލަ އުއްމީދު އިސްކޮށް ވެރިކަމަށް ފައި ނުނަގާ ރައްޔިތުންގެ ސަލާމަތްތެރިކަން ދެމެހެއްޓޭނެ ގޮތަކާއި މެދު ވިސްނުމަށް އެދިވަޑައިގެންފިއެވެ.
ރައީސް ނަޝީދު މިހެން ވިދާޅުވެފައިވަނީ ވަރަށް ގިނަ ބޭފުޅުން ޓެކްސްޓް ކުރައްވާ އައްސަވާކަމަށް ވިދާޅުވެއެވެ. ރައީސް ނަޝީދުގެ ޓްވީޓުގައި ވަނީ އެމަނިކުފާނަށް ފެންނަގޮތުގައި މިއަދުގެ ހާލަތަކީ އަމިއްލަ އުއްމީދު އިސްކޮށް ވެރިކަމަށް ފައިނަގަންވީ ވަގުތު ނޫންކަމަށެވެ. އަދި މިއީ ބޭރު ފައިސާގެ ރިޒާވް ރަނގަޅުކޮށް ރައްޔިތުންގެ ސަލާމަތްތެރިކަން ދެމެހެއްޓޭނެ ގޮތާއިމެދު ވިސްނާ މަގަށް އަޅުވަންވީ ވަގުތުކަމަށެވެ.
މިގޮތަށް ރައީސް ނަޝީދު ވިދާޅުވެފައި މިވަނީ މިއަދު ރައީސް ސާލިހު ނުވަ މަސް ދުވަސް ފަހުން ބޭއްވި ނޫސްވެރިންގެ ބައްދަލުވުމުގައި ނޫސްވެރިއެއް ކުރި ސުވާލަކަށް ދިން ޖަވާބަކާއި ގުޅިގެންނެވެ. ރައީސް ސާލިހް 2023 ވަނަ އަހަރު ވެރިކަމަށް ވާދަ ކުރައްވާނީ އެކަނިތޯ ނުވަތަ ކޯލިޝަނާއިއެކުތޯ ސުވާލު ކުރެއްވުމުން އެމަނިކުފާނު ވިދާޅުވީ ކޯލިޝަނަކާއިއެކު ވާދަކުރައްވާނެކަމަށެވެ.
ގިނަ ބަޔަކު މިކަންތައް ސިފަކުރީ ރައީސް އަމިއްލައަށް އެމަނިކުފާނު އެކަނި ނިކުމެ ވެރިކަން ނުލިބޭނެކަމަށް ގަބޫލު ކުރެއްވީކަމަށެވެ.
advertisment