ލަންކާގެ ކުރީގެ ރައީސް ގޯޓަބަޔާ ރާޖަޕަކްސާގެ އިސްތިއުފާ ރަސްމީ ގޮތުން އެ ގައުމުގެ މަޖިލީހުގެ ރައީސް އިއުލާން ކުރެއްވުމުގެ ކުރިން ދިވެހި ރާއްޖޭގެ މަޖިލީހުގެ ރައީސް މުހައްމަދު ނަޝީދު އިއުލާނު ކުރެއްވުމުން އެކަމަށް ލަންކާގެ ރައްޔިތުން ފާޑުކިޔައިފިއެވެ.
ސްރީލަންކާގެ ކުރީގެ ރައީސް ގޮޓަބަޔާ އިސްތިއުފާ ދެއްވި ކަމަށް ރައީސް ނަޝީދު ވިދާޅުވެފައިވަނީ މި މަހުގެ 14 ވަނަ ދުވަހުއެވެ. ނަމަވެސް ރަސްމީގޮތުން ލަންކާގެ ކުރީގެ ރައީސް ގެ އިސްތިއުފާ ދެއްވިކަމަށް އެ ގައުމުގެ މަޖިލީހުންގެ ރައީސް ޔަޕަ އަބޭ ވަރުދަނާ ވިދާޅުވެފައިވަނީ 15 ޖުލައި ގައެވެ.
ލަންކާގެ ރައީސްކަމުން ގޮޓަބަޔާ އިސްތިއުފާ ދެއްވުމާއި ގުޅޭ ހަބަރު ރައީސް ނަޝީދު ހާމަކުރެއްވުމުން އެކަމާއި ދެކޮޅަށް ލަންކާގެ ރައްޔިތުން ފާޑު ކިޔައި ބުނީ ނަޝީދަކީ ލަންކާގެ މަޖިލިސްގެ ރައީސް ނޫން ކަމަށެވެ.
As of 8:38, the Speaker hasn't formally announced it yet and Nasheed is not our Speaker.
Let's wait for our Speaker.
— . 🇱🇰 (@AmyNilar) July 14, 2022
މީގެ އިތުރުން ބައެއް އާއްމު ރައްޔިތުން ރައީސް ނަޝީދުގެ އެވާހަކަތައް ބޮޑު ޖޯކެއްގެ ގޮތުގައި ސިފަކޮށް އެމަނިކުފާނުގެ ސިކުނޑީގައި އުނިކަމެއް ހުރީތޯ ބުނެ ވަނީ ސުވާލު އުފައްދާފައެވެ.
Is this joke? Maldives speaker announced the resignation of srilankan president. Mohamed Nasheed (Anni) you are a joke. Honestly you gave shelter to a thief, murderer and you have the decency to type this?
— Tharaka Madhusanka (@thmadush) July 14, 2022
އެހެން ގައުމު ތަކުގެ ދާހިލީ ކަންކަމުގެ ތެރެއަށް ފާޑުކިޔާތީ މީގެ ކުރިން ވެސް ރައީސް ނަޝީދަށް ވަނީ ބަހުގެ ހޫނު ހަމަލާތައް ރައްދުވެފައެވެ. އެގޮތުން ތިމާގެ އަމިއްލަ ގައުމުގެ ހާލަތު ރަނގަޅު ކުރުމުގެ ބަދަލުގައި އެހެން ގައުމެއްްގެ ކަންތައްތަކަށް ފާޑު ކިޔައި ގޮތް ކިޔަން ނޫޅުމަށް ލަންކާގެ ރައްޔިތުން ވަނީ ރައީސް ނަޝީދަށް އިލްތިމާސް ކުރައްވާފައެވެ.
ގޮޓަބަޔާ ވަނީ ފިލައިގެން ރާއްޖެ އައިސް ރާއްޖޭގެ ރައްޔިތުންގެ ނުރުހުމާއި ކުރިމަތިލާން ޖެހުމުން އެކަމުގެ ހިތާމައިގައި ވަގުވަގަށް އޮޅުވާލައިގެން ސައުދީ އެއަރލައިނުން ސިންގަޕޫރަށް ގޮސްފައެވެ. އަދި މިހާރު ގޮޓަބަޔާ ވަނީ އެގައުމުގައި ހުރެ އިސްތިއުފާދީފައެވެ.