އަދާލަތު ޕާޓީއަކީ މިހާތަނަށް ދީނަށް އެންމެ ހިދުމަތް ކޮށްދެވި ޕާޓީކަމަށް ބުނެ އެ ޕާޓީގެ ރައީސް އިމްރާން އަބްދުﷲ ޓްވީޓެއް ކުރެއްވުމާއި ގުޅިގެން ދީނީ އިލްމުވެރިޔާ ޑރ. މުހައްމަދު އިޔާޒު އަބްދުއްލަތީފު ރައްދުދެއްވައިފިއެވެ.
މި ބަހުސް ފެށިގެން ދިޔައީ ދިވެހި ރާއްޖޭގައި އިސްލާމްދީނަށް ފުށު އަރާ ގިނަ ކަންތައްތަކެއް އާންމުވެގެންދިޔަ އިރުވެސް ދީނުގެ ދިފާއުގައި ވަކާލާތުކުރުމަށްކަމަށް ބުނެ އުފެދިގެން އައި އަދާލަތު ޕާޓީން އެކަމާއި ދެކޮޅަށް ބަހެއް ނުބުނާތީ ގިނަ ބަޔެއްގެ ފާޑުކިޔުން އަމާޒުވެފައިވަނިކޮށް އިމްރާން ކުރެއްވި ޓްވީޓަކާއި ގުޅިގެންނެވެ. ގިނަ ބަޔެއްގެ ނުރުހުމާއި ފާޑުކިޔުން އަމާޒުވީ މި ޓްވީޓުގައި ވަނީ ބަޔަކު ގަބޫލުކުރިޔަސް އަދި ނުކުރިކަމުގައިވީ ނަމަވެސް މިދިޔަ ތިން އަހަރު ނުވަތަ 2005 ވަނަ އަހަރުން ފެށިގެން މިހާތަނަށް ބެލިނަމަވެސް އަދާލަތުގެ އިލްމުވެރީންނަށް ވުރެ ބޮޑަށް އިސްލާމް ދީނަަށް ހިދުމަތް ކުރި ޕާޓީއެއް އަދި ޖަމާއަތެއްވެސް ރާއްޖޭގައި ނެތް ކަމަށެވެ. އަދި އެއީ ހަގީގަތް ކަމަަށް އިމްރާން ވަނީ ފާހަގަކުރައްވާފައެވެ.
Haqeegathakee,Bayakah gaboolu kurevunas,nukurevunas veythuvedhiya 3 aharaa bayah beliyas noonee 2005 in feshigen mihaathanah beliyas Adhaalath ge ilmuverinnah vure bodah dheenah khidhumaiy kuri party eh viyas nuvatha jamaa’atheh viyas mi raajjeygai neiykan.
— Imran Abdulla (@ShimranAb) July 13, 2022
ޓްވީޓާއިއެކު ގިނަ ބަޔަކު ބުނަމުން ދިޔައީ ދީން ހަތިޔާރަކަށް ހަދަނީ ކަމަށާއި ފެށިގެންވެސް އިމްރާން އަބްދުﷲ އަކީ ސިޔާސީ ބޭނުމަށްޓަކައި ދީން ބޭނުންކުރާ ބޭފުޅެއްކަމަށެވެ. އަދި ބައެއް ފަރާތްތަކުން ދިޔައީ އަދާލަތުގެ ފަރާތުން ހިދުމަތް ކުރެއްވީ ކޮން ދީނަކަށްތޯ ސުވާލު އުފައްދަމުންނެވެ. އިމްރާނަށް ބޮޑެތި ފާޑުކިޔުންތަކެއް އަމާޒުކުރެއްވި ފަރާތްތަކުގެ ތެރޭގައި ކުރީގެ ނައިބު ރައީސް، ވަކީލު ޑރ. މުހައްމަދު ޖަމީލް ހިމެނިވަޑައިގަންނަވައެވެ. ޖަމީލް ވަނީ ޓްވީޓެއް ކުރައްވާ ލޯމަތިން ފެންނަން ހުރި ކަންތައް އޮޅުވާނުލެވޭނެކަމަށާއި މިއަދު މުޅި ރާއްޖޭގައި ވަނީ ބަނގުރާ އާންމުވެފައިކަމަށް ވިދާޅުވެފައެވެ. އަދި ހަށިވިއްކުންވެސް ފެޝަނަކަށްވެ، ރަސޫލާއަށާއި ދީނުގެ ޙުކުމްތަކަށް ގޮންޖެހުމާއި ޖިންސީ ފާޙިޝް އަމަލު އާންމު ވެފައި މިއަދު މިވަނީ ކަމާއި ގުޅޭ ވަޒީރަކަށް މިނިސްޓްރު އިމްރާން ހުންނަވަނިކޮށްކަމަށް ޑރ. ޖަމީލް ވަނީ ވިދާޅުވެފައެވެ.
ލޯމަތިން ފެންނަން ހުރި ކަންތައް އޮޅުވާނުލެވޭނެ. ކޮބާ މޭޑޭގައި ކުރި ތުހުމަތުތައް؟ މުޅި ރާއްޖޭގައި ބަނގުރާ އާންމުވެފައި. ހަށިވިއްކުން ފެޝަނަކަށް. ރަސޫލާއަށާއި ދީނުގެ ޙުކުމްތަކަށް ގޮންޖެހުން، ޖިންސީ ފާޙިޝް އަމަލު ޢާންމު މިވީ ކަމާއި ގުޅޭ ވަޒީރަކަށް ހުރެ.މިއީ ދީނަށް ޚިދުމަތް ކުރުން؟ https://t.co/t4g8z4voav
— Mohamed Jameel Ahmed (@MJameelAhmed) July 14, 2022
ޑރ އިޔާޒްވެސް ވަނީ އިމްރާނަށް ރައްދު ދެއްވައި ދީނުގެ ދިފާއުގައި އެބޭފުޅުން އެކުރައްވާ މަސައްކަތްތަކަކީ އަބަދު ހިހޫތަނުން ކާން ބޭނުންވާ ބަަޔަކަށް ކެތް ކުރެވޭނެ މަސައްކަތެއް ނޫންކަމަށް ވިދާޅުވެފައެވެ. އިސްލާމް ދީނާއި ސިޔާސަތު ވަކި ނުކުރެވޭނެކަމަށް ފާހަގަކުރައްވާ އިޔާޒްގެ ޓްވީޓުގައި ވަނީ ތިމާ މެންނަން ނުވާ ނަމަ އުދަގޫ ނުކޮށް ކުޅި ބަލަން ތިބުން ރަނގަޅު ވާނެކަމަށް ވިދާޅުވެފައެވެ.
AP @AdhaalathOffice mi kuraa masakkathakee abadhu hihoothanun kaan beynun vaa bayakah keiy kureveyne masakkatheh noon. Islam dheenaa siyaasathu vaiykeh nukureveyne. Thimaa mennah nuvaa nama udhagoo nukoh kulhi balan thibun ragalhu vaane.
— Dr.Mohamed Iyaz (@dr_iyaz) July 15, 2022
އަދާލަތު ޕާޓީ އުފެދުނީ ދީނީ އިލްމުވެރީންތަކެއްގެ ވަރަށް ބުރަ މަސައްކަތުން ދީނަށް ހިދުމަތް ކުރުމަށް ނަމަވެސް އެ މިސްރާބަށް ޕާޓީ ނުދާތީ ގިނަ އިލްމުވެރީން ވަނީ އެ ޕާޓީ ދޫކޮށްލައްވާފައެވެ.
2 Responses
ސޭކު އިމްރާން ތިހުރީ ކެނެރީގޭ ޖާހިލުގެ މޯކުޅި 19 ގައި ޖެހި ތާށިވެފަ ،، ދެން ސޭކު އިމްރާން ކޮސްގޮވާނީ ތިޔައީ ދީނީ އިލްމު އުގެނިފައިވާ މީހެއްނޫން
ހޭބަލިވެގެންތަ ޚަބަރު ލިޔަނީތިޔަ