އެއް ޖިންސުން ގުޅުން ހިންގިކަމުގެ ތުހުމަތުކުރެވޭ ނާޒިމް ސައްތާރު ހައްޔަރުކުރުމާއި ގުޅިގެން ނާޒިމްގެ ދިފާއުގައި ނިކުންނެވިފަދަ ޓްވީޓެއް މާލެ ސިޓީގެ ކުރީގެ މޭޔަރ ޝިފާ މުހައްމަދު ކުރައްވައިފިއެވެ.
އެއް ޖިންސުން ގުޅުން ހިންގިކަމުގެ ތުހުމަތުގައި ރައީސް ނަޝީދުގެ ކޮށްކޯފުޅު، މަޝްހޫރު ގާނޫނީ ވަކީލު ނާޒިމް ސައްތާރު ހައްޔަރުކުރުމާއި ގުޅިގެން، ނާޒިމްގެ ދިފާއުގައި ނިކުތް ފަރާތްތަކުން އުފައްދަމުން އަންނަ ސުވާލަކީ އެތައް ބަޔަކަށް އެއްޖިންސުން ގުޅުން ހިންގިކަމުގެ ތުހުމަތު ކުރެވިގެން އަންނައިރު ހަމައެކަނި ނާޒިމްގެ ވާހަކަ މިހާ ފުޅާ ދާއިރާއެއްގައި ދެކެވިގެން ދަނީ ކީއްވެގެންކަމާއިމެދުގައެވެ. 250 މީހަކު އަލަމްގިރި ނަމަކަށް ކިޔާ ބަނގްލަދޭޝްގެ ރައްޔިތަކާއިއެކު އެއް ޖިންސުން ގުޅުން ހިންގިކަމުގެ މައުލޫމާތު އަންނަނީ ލިބެމުންނެވެ.
މިކަމާއި ގުޅިގެން ޓްވީޓެއްކުރައްވާ ޝިފާ ވަނީ 200 މީހުންގެ ވާހަކަ އެހިންކަމަށް ފާހަގަކޮށް އެ އަމަލުގައި ޝާމިލުވީ ފަރާތްތަށްވެސް ތިބޭނެކަމަށް ވިދާޅުވެފައެވެ. އެހެންކަމަށް ވާނަމަ ހަމައެކަނި އެކަކުގެ ވާހަކަ އެހާ ވަރަށް ފަތުރަނީ ކީއްވެގެންތޯ އައްސަވާ ޝިފާ ވަނީ މޯލްޑްވްސް ޕޮލިސް ސާވީސްއަށް ޓްވީޓުގައި ޓެގުކޮށްފައެވެ.
Kobaa 200 meehunge vaahaka ehin . Adhi kotari kuyah hifaigen cemeraa thakaai ehenihen agu bodethi equipment thah ves ganedhin bayaku thibeni thaa. Kihve hama ekani ekehge vaahaka ehaa varah fathurani ? @cnm_mv @Mihaarunews @PoliceMv https://t.co/6VwVEWeCNN
— Shifa Mohammed🎈🇵🇸 (@SifaMohammed) July 29, 2022
އެއްޖިންސުން ގުޅުން ހިންގައި އެ މީހުންގެ ވީޑިއޯ ނެގުމަށް ފަހު ބްލެކްމެއިލް ކުރަމުން ދިޔަ މައްސަލައިގައި އަލަމްގިރި މިވަގުތު ހުރީ ފުލުހުންގެ ބަންދުގަ އެވެ. އަދި އެ މައްސަލައިގައި އޭނާ ދިރިއުޅެމުން ދިޔަ އެޕާޓްމަންްޓާއި، އަދި ގުޅުން ހިންގިކަމަށް ބެލެވޭ ތަން ކޯޓު އަމުރެއްގެ ދަށުން ފުލުހުން ވަނީ ބަލާ ފަސްކޮށްފަ އެވެ. އަދި ފުރުން މަނާކޮށް ޕާސްޕޯޓު ހިފަހައްޓާފައި ވާއިރު، އޭނާއާއި އެކު ގުޅުން ހިންގާ މަންޒަރު ފެންނަ ވީޑިއޯތަކެއް ލީކުވި ގާނޫނީ ވަކީލު ނާޒިމް ސައްތާރާއި، ނޮޅިވަރަން ދާއިރާގެ ކުރީގެ މެމްބަރު ކާނަލް މުހައްމަދު ނަޝީދާއި، ފުލުސް އޮފިސަރެއްގެ ޕާސްޕޯޓު ހިފަހައްޓައި ވަޒީފާއިން ވަނީ ސަސްޕެންޑުކޮށްފައެވެ.
ކާނަލް އާއި ފުލުސް އޮފިސަރުވެސް ފުލުހުންގެ ބަންދުގައި ހުރިއިރު، ނާޒިމް އަށް ވަނީ 7 ދުވަހުގެ ބަންދުގެ މުއްދަތެއް ޖަހާފައެވެ.