2023ގައި ރައްޔިތުން އުފަލާއެކު އިންތިޚާބު ކުރާނެ ހަމައެކަނި ”ޗޮއިސް”އަކީ ރައީސް އަބްދުﷲ ޔާމީންކަމަށް ކުރީގެ ނައިބު ރައީސް ޑރ. މުޙައްމަދު ޖަމީލް އަޙްމަދު ވިދާޅުވެއްޖެެވެ.
ޕީޕީއެމްގެ ފަރާތުން ރިޔާސީ އިންތިޚާބުގައި 2023 ވަނަ އަހަރު ވާދަކުރާނެ ފަރާތަކީ ރައީސް އަބްދުﷲ ޔާމީންކަމަށް އިއުލާނުކުރެއްވުމާއެކު ޓުވީޓުކުރައްވާ ޖަމީލް ވިދާޅުވީ ރައްޔިތުނަށް ވަރަށް ބޮޑު ތަފާތެއް ފެނިގެން ހިނގައްޖެ ކަމަށެވެ. އެގޮތުން މިނިވަންކަން ވިއްކާނުލާނެ ކަމަށާއި ދީނުައި ހިފަހައްޓަވާނެކަމަށާއި ވިޝަނަރީ ތަރައްްީ ސާބިތުކޮށްދެއްވައިފިކަމަށް ޖަމީލް ގެ ޓުވީޓުގައި ވެއެވެ.
ވަރަށް ބޮޑު ތަފާތެއް ރައްޔިތުންނަށް ފެނިއްޖެ. މިނިވަންކަން ވިއްކާނުލާނެކަން. ދީނުގައި ހިފަހައްޓަވާނެކަން. ވިޝަނަރީ ތަރައްޤީ ސާބިތުކޮށްދެއްވައިފި. ރައީސް @prz_ymn އަކީ 2023ގައި ރައްޔިތުން އުފަލާއެކު އިންތިޚާބުކުރާނެ ހަަމައެކަނި ޗޮއިސްކަން ޔަޤީން. ހޫނު މަރުޙަބާއެއް! pic.twitter.com/Hjh6Ym2cgz
— Mohamed Jameel Ahmed (@MJameelAhmed) August 1, 2022
ރައިސް ޔާމީންއަކީ 2023 ގައި ރައްޔިތުން އުފަލާއެކު ބަލައިގަންނާނެ ،އުފަލާއެކު އިންތިޚާބުކުރާނެ ހަމައެކަނި ޗޮއިސްކަމަށްވެސް ޖަމީލްގެ ޓުވީޓުގައި ވިދާޅުވެފައިވެއެވެ.
2023 ގެ ރިޔާސީ އިންތިހާބުގައި ޕްރޮގްރެސިވް ކޮންގްރެސް ކޯލިޝަނުގެ ކެނޑިޑެސީ ރައީސް އަބްދުﷲ ޔާމިން އަބްދުލްގައްޔޫމް ގަބޫލުކުރެއްވީ ރޭގެ ވަގުތެއްގައެވެ. އިދިކޮޅުގެ ރިޔާސީ ޓިކެޓުގައި އިންތިހާބަށް ރައީސް ޔާމިން ނިކުންނެވުމަށް ހުށަހެޅީ ރޭ ބޭއްވި ޕީޕީއެމް، ޕީއެންސީ ޖޮއިންޓް ސެނެޓު ބައްދަވުމުގައެވެ. އަދި އެގޮތަށް ފާސް ކުރީ ބައްދަލުވުމުގައި ބައިވެރިވި ހުރިހާ މެމްބަރުންގެ އިއްތިފާގުންނެވެ.
ޓިކެޓު ގަބޫލު ކުރައްވައި ރައީސް ޔާމީން ވިދާޅުވީ ރައްޔިތުންނަށް ހިދުމަތް ކުރުމުގައި އެމަނިކުފާނު އަބަދުވެސް ދެމި ހުންނަވާނެ ކަމަށެވެ.
މަނީ ލޯންޑްރިން މައްސަލައިގައި ރައީސް ޔާމީނަށް ހުކުމް އިއްވުމާއި އެކު އޭރު ބޭއްވި ބައްދަލުވުމެއްގައި ވެސް ރައީސް ޔާމީނަށް ޓިކެޓު ދިނުމަށް ނިންމި އެވެ. ނަމަވެސް އިންތިހާބުގައި ވާދަ ކުރައްވާނެކަން ނުވަތަ ނޫންކަން ރައީސް ޔާމީން ހާމައެއް ނުކުރައްވަ އެވެ.
އަސާސީ ގަވައިދުގެ ދަށުން ރިޔާސީ އިންތިހާބަށް ޕާޓީގެ ޓިކެޓުގައި ނިކުންނަވާނެ ބޭއްފުޅެއް ކަނޑައެޅުމުގެ ބާރު ސެނެޓަށް ލިބިގެން ވެއެވެ.
ރައީސް ޔާމީނަށް އަންނަ އަހަރުގެ ރިޔާސީ އިންތިހާބުގެ ޓިކެޓު ދިނުމަށް ނިންމުމުން ގިނަ އަދަދެއްގެ އާއްމުން ދަނީ އެމަނިކުފާނަށް މަރުހަބާ ކިޔަމުންނެވެ.
advertisment
One Response
ކަލޭ ގެނެސްދޭ ކެންޑިޑޭޓަކަށް ވޯޓް ދިނުން ހުއްޓާލައިފިން.