ރައްޔިތުންގެ މަޖިލީހުގެ ރައީސް މުހައްމަދު ނަޝީދު 2012 ގައި ރައީސުލްޖުމްހޫރިއްޔާގެ މަގާމުން އިސްތިއުފާ ދެއްވުމަށް ފަހު ދެއްކެވި ވާހަކަތަކުން، ގައުމު ތެރޭގައި ހިންގި ހަަމަނުޖެހުންތަކަށް އެ މަނިކުފާނު ޒިންމާވާން ޖެހޭނެކަމަށް ދީނީ އިލްމުވެރިޔާ ޑރ. މުހައްމަދު އިޔާޒް ސުވާލު ވިދާޅުވެއްޖެ އެވެ.
ޔޯގާ ޑޭގެ ހަމަނުޖެހުންތަކަށް ޝައިހު ނިޝާން ޒިންމާ ނަންގަވަން ޖެހިވަޑައިގަތުމަކީ އިންސާފުތޯ ސުވާލު އުފައްދައި އިޔާޒް ވިދާޅުވީ، ރައީސް ނަޝީދު އިސްތިއުފާ ދެއްވީ އެމްއެމްޑީއެފްގެ ބޭފުޅުން އެ މަނިކުފާނުގެ ބޮލުގައި ބަޑިޖެއްސުމުން ކަމަށް ވިދާޅުވެ މުއައްސަސާތަކުގެ ބޮލުގައި ބޮޑެތި އިލްޒާމުތަކެއް އެޅުވުމަށް ފަހުކަމަށެވެ.
ރައީސް ނަޝީދު ވެރިކަމުން އިސްތިއުފާ ދެއްވުމަށް ފަހު އެމްއެންޑީއެފްގެ އަގު ވައްޓާލައި އިލްޒާމު ތަކެއް އެޅުވިކަމަށް ފާހަގަކުރައްވާ އިޔާޒް ވިދާޅުވީ، އެ ވާހަކަތަކުގެ ސަބަބުން ދިވެހިންގެ ތެރެއިން ބަޔަކު މީހުން ލޭކެކި މުޅި ގައުމުގައި ހުޅުޖެހިކަމަށެވެ. އެހެން ނަމަވެސް އެ ހަމަނުޖެހުންތަކަށް ރައީސް ނަޝީދު ޒިންމާ ނަންގަވަން ޖެހިވަޑައިގެންފައިނުވާކަމަށް އޭނާ ވިދާޅުވި އެވެ.
ތިމަންނާ އިސްތިއުފާދިނީ @MNDF_Official ގެ ބޭކަލުން ބޮލުގައި ބަޑި ޖެއްސީމާ ކަމަށް @MohamedNasheed ބުނެ, މުއައްސަސާގެ އަގުވައްޓާލާ, އޭގެ ސަބަބުން ބަޔަކު ލޭކެކި މުޅި ޤައުުމުގައި ހުޅުޖެހީމާވެސް އެމަނިކްފާނު ޒިންމާވާން ނުޖެހިފައި, މުންކަރާތެއް މަނާކުރެއްވުމުގެ ގޮތުން….
— Dr.Mohamed Iyaz (@dr_iyaz) August 5, 2022
ޝައިޚް އާދަމް ނިޝާން ދެއްކެވި ވާހަކައެއްގެ ސަބަބުން ބަޔަކު މީހުން މަރާމާރީ ހިންގިކަމަށް ބުނެ ޝައިޚްގެ ބޮލުގައި ޒިންމާ އަޅުވާ އެކަމުގެ މަސްއޫލިއްޔަތު ޝަައިޚް އުފުއްލަން ޖެއްސުމަކީ އިންޞާފުތޯ? ހަމަޔާއި އިންޞާފަކީ އެކިމީހުންނަށް އެކިގޮތަށް އޮންނަ އެއްޗެއްތޯ? @PoliceMv @PGO_MV
— Dr.Mohamed Iyaz (@dr_iyaz) August 5, 2022
އިޔާޒް ވިދާޅުވީ އެހެން ކަމަށް ވާއިރު މުންކަރާތްތައް މަނާކުރެއްވުމުގެ ގޮތުން ޝައިހު ނިޝާން ދެއްކެވި ވާހަކައެއްގެ ސަބަބުން، ބަޔަކު މީހުން މާރާމާރީ ހިންގި ކަމަށް ބުނެ ޝައިހު ނިޝާންގެ ބޮލުގައި ޒިންމާ އަޅުވާ އެނާއަށް އެކަމުގެ މަސްއޫލިއްޔަތު ނަންގަވަން ޖެއްސުމަކީ، އިންސާފެއް ނޫން ކަމަށެވެ. އަދި ހަމަހަމަކަމާއި އިންސާފަކީ އެކި މީހުންނަށް އެކި ގޮތަށް އޮންނަ އެއްޗެއްތޯވެސް އެނާ ސުވާލުކުރެއްވިއެވެ.
advertisment
One Response
މުންކަރާތް ތަށް ނަހީކުރާށޭ ކިޔާފަ ނޫންތޯ ތިބޭ ފުޅާ އެބޭ ފުޅާއަށް ވޯޓ ދެއްވީ..ދެންކޮން ސްޕިން އެއްތޯ؟ ޓިޔައީ ލާރިފޮތީގެ ދެފުއް. ޢެއްފަޅީގަ އަދަދެއް، އަނެއްފަޅީގަ ކުރެހުމެއް. ޥަކިނުވާނެ ގުޅުމެއް… ތިވަރު ނުވިޔަސް ރައިސްކަން ލިބިދާނެ..