މުހައްމަދު ނަބީލް(ޔާޔާ)އަކީ، މުޖުތަމައަށް ނުރައްކައުތެރި މީހެއް ނޫންކަމަށް ކަނޑައަޅައި، ދޫކޮށްލުމާއިއެކު، މަޖިލީހުގެ ތިނަދޫ ދެކުނު ދާއިރާގެ މެމްބަރު އަބްދުﷲ ސަނީފްގެ ފާޑުކިޔުންތައް މައްސަލަ ބެއްލެވި ފަނޑިޔާރުންނަށް އަމާޒުވެއްޖެއެވެ.
ސޯޝަލްމީޑިއާގައި ބަރާހަނާ ފޮޓޯ އާންމު ކުރާ މައްސަލައިގައި، މީގެ ކުރިންވެސް ހައްޔަރު ކުރެވިފައިވާ މުހައްމަދު ނަބީލުގެ ފަރާތުން ދިވެހި މުޖުތަމައަށް ކުރިމަތިވެދާނެ ނުރައްކަލެއް ނެތްކަމަށް، އެނާގެ މައްސަލަ ބެއްލެވި ފަނޑިޔާރުން ނިންމުމާއިއެކު، ނުރުހުން ފާޅު ކުރައްވާ، ސަނީފް ވިދާޅުވީ، ނަބީލަށް ހުކުމް އިއްވި ފަނޑިޔާރު އިންނެވީ ކޮން ހާލަތެއްގައިކަން، ދިވެހި ރައްޔިތުން ބަލަން ޖެހޭކަމަށެވެ.
Mi hukum ivvi fadiyaaru huree. kihineh. kon haalathegga thoa belun dhivehi rayyithun kuran jehey kameh. pic.twitter.com/ohV1HRP0m6
— Abdulla Saneef (@SaneefAbdulla) September 1, 2022
ދިވެހި ފުލުސް އަދި ޕޖ އަށް މިދަންނަވަނީ ދިވެހިރާއްޖެ އާއި ދިވެހިންގެ މުސްތަގުބަލަށް. އެއްޖިންސުން ގުޅުން ހިންގި އެންމެހައި ފަރާތްތަކުގެ މަސްސަލަ ބަލައި ގާނޫނުގަ ބުނާ އެންމެ ހަރުކަށި އަދަބު ދިނުމަށް، މިކަން ނުބަލާ ނަމަ ކޮންމެ ފަދަ މުސީބާތެއް ވެސް އަޅުގަނޑު މެނާއި ދިމާވެދާނެ. pic.twitter.com/krwUeLa4XJ
— Abdulla Saneef (@SaneefAbdulla) July 24, 2022
ދިވެހި މުޖުތަމައުގެ ތެރޭގައި އެއްޖިންސުން ގުޅުން ހިންގުންފަދަ ދީނާއި ހިލާފުވާ ކުށްތަކަށް އަރައިގަތުން ގިނަވެފައިވާކަން ފާހަގަކުރައްވާ، ސަނީފް ވިދާޅުވީ، ދިވެހިރާއްޖެއާއި ރައްޔިތުންގެ މުސްތަގުބަލަށްޓަކައި، އެއްޖިންސުން ގުޅުން ހިންގާ އެންމެންގެ މައްސަލަތައް ބަލައި ގާނޫނުގައިވާ އެންމެ ހަރުކަށި އަދަބު ދިނުމަށް، ފުލުހުންގެ މުއައްސަސާ އަދި ޕްރޮސެކިއުޓާރ ޖެނެރަލްއަށް ދަންނަވާކަމަށެވެ.
މީގެ އިތުރުން ސަނީފް ވިދާޅުވީ، އެއްޖިންސުން ގުޅުން ހިންގުން ފަދަ ބޮޑެތި މައްސަލަތަކަކީ، ކުޑަ ކަމެއް ކަމަށް ހަދައި، އެ މައްސަލަތައް ބަލަން ޖެހޭ މިންގަނޑަށް ބަލައި، ފިޔަވަޅު ނާޅާ ނަމަ، ރާއްޖެއަށް ކޮންމެ ފަދަ މުސީބާތެއްވެސް ކުރިމަތިވެދާނެކަމަށެވެ.
ސޯޝަލް މީޑިއާގައި، އިޖްތިމާއި މިންގަނޑުތަކާއި ހިލާފުވާފަދަ ފޮޓޯ އަދި ވީޑިއޯ އާންމު ކުރާ މުހައްމަދު ނަބީލު ހައްޔަރުން ދޫކޮށްލުމާއިއެކު، ގާޒީ އަދި ތަންފީޒީ އިދާރާތަކަށް ސަނީފްގެ ފާޑުކިޔުންތައް އަމާޒުވީއިރު، ދާދި ފަހުން، އަލަމްގިރި ކިޔާ ބަންގަލަދޭޝް ފިރިހެނަކާއި އެކު، އެއްޖިންސުން ގުޅުން ހިންގިކަމުގެ ތުހުމަތުގައި ގިނަ އަދަދެއްގެ މީހުން ހައްޔަރު ކުރެވިފައިވެއެވެ. އަދި ބައެއް ފަރާތްތަކުގެ މައްސަލަ ބަލަމުންދާއިރު، އަލަމްގިރިގެ މައްޗަށްވަނީ ހުކުމް ކުރެވިފައެވެ.