މައްޔިތާގެ ހަށިގަނޑުގެ ޕޯސްޓް މޯޓަމް ހެދުމަށް އެންގުމުގެ ބާރު އިންޓެގްރިޓީ ކޮމިޝަނަށް ލިބިގެންވަނީ ކޮން ގޮތަކަށް ކަން ސާފު ނުވާކަމަށް ކުރީގެ އެސިސްޓަންޓް ކޮމިޝަނަރ އޮފް ޕޮލިސް އަހުމަދު ފައިރޫޝް ވިދާޅުވެއްޖެއެވެ.
ފުލުހުން ހިންގި އޮޕަރޭޝަނެއްގެ ތެރެއިން ގދ ހޯޑެއްދޫއިން ހައްޔަރު ކުރި މީހަކު، ފުލުހުންގެ ބެލުމުގެ ދަށަށް ގެނެވިފައިވަނިކޮށް ނިޔާވުމާއި ގުޅިގެން އުފެދިފައިވާ މައްސަލައިގައި، އެނާގެ އޮޓޯޕްސީއެއް ހެދުމަށް އެންއައިސީއިން ނިންމާފައިވާކަމަށް އިޝާރާތްކުރައްވާ ފައިރޫޝް ވިދާޅުވީ، އެންއައިސީ އަށް އެފަދަ ނިންމުމެއް ނިންމުމުގެ ބާރު ލިބިގެންވާކަމަށް ގަބޫލު ނުކުރައްވާކަމަށެވެ.
އެނާ ވިދާޅުވީ، ޖިނާއީ އިޖުރާއަތުގެ ގާނޫނުގެ ދަށުން އެފަދަ ނިންމުމެއް ނިންމުމުގެ ބާރު ލިބިގެންވަނީ ދިވެހިރާއްޖޭގެ ފުލުހުންގެ މުއައްސަސާއަށް އެކަނިއެވެ. އަދި ފުލުހުންގެ ހިދުމަތުގެ ގާނޫނުގައި ވާގޮތުން، ފުލުހުންނަށް އެފަދަ ނިންމުމެއް ނިންމޭނީ، ކޯޓު އަމުރެއް ލިބުމަށް ފަހުކަމަށްވެސް އެނާ ވިދާޅުވިއެވެ. އަދި އެންއައިސީއަށް އެފަދަ ނިންމުމެއް ނިންމޭނީ ފުލުހުންނާއި ގުޅިގެންކަމަށްވެސް އެނާ ވިދާޅުވިއެވެ.
enacted after the Amendment, a reasonable reading wud indicate that even MPS shud obtain court clearance. The only justification 4 NIC is “joint investigation” w/ MPS. Nonetheless, NIC cannot auto inherit that police discretion, just as they can’t inherit other police powers.
— Fairoosh, PhD (@Fairoosh) October 29, 2022
މީގެ އިތުރުން އެނާ ވިދާޅުވީ، އެނާ އަކީ ގާނޫނީ މާހިރެއް ނޫންކަމަށެވެ. އެހެން ނަމަވެސް އެނާ އަކީ ފުލުހުންގެ ވަޒީފައިގައި ހުންނަވައިގެން ގާނޫނުތައް ތަންފީޒު ކުރެއްވުމުގައި ގިނަ ދުވަސް ހޭދަ ކުރައްވާ، އަމިއްލައަށްވެސް ގާނޫނުތައް މުތާލިއާ ކުރުމުގައި އުޅުނު މީހެއް ކަމަށާ ހާއްސަ ގޮތެއްގައި ޕޮލިސް ސާވިސް އެކްޓު ދަސްކުރެއްވިކަމަށް އެނާ ވިދާޅުވިއެވެ.
advertisment