މާލޭގެ ގެއެއްގައި ރޭ ދަންވަރު ހިނގައިދިޔަ އަލިފާނުގެ ހާދިސާއެއްގައި ބޮޑެތި ގެއްލުންތަކެއް ލިބިއްޖެއެވެ.
މި ހާދިސާ ހިގާފައިވަނީ ހެންވޭރުގައި ހުރި ހިރިޔާ ނަމަކަށް ކިޔާ ގެއެއްގެ ތިން ވަނަ ފަންގިފިލާގައެވެ. މި ހާދިސާގެ ރިޕޯޓް އެމްއެންޑީއެފްއަށް ލިބިފައިވަނީ 3:57 ހާއިރުކަމުގައިވާއިރު، އެމްއެންޑީއެފްގެ ފަޔަރ އެންޑް ރެސްކިޔު ސަރވިސްގެ ސިފައިން ވަނީ ރޭ 4:23 ހާއިރު ރޯވި އަލިފާން ނިންވާލާފައެވެ. މި ހާދިސާގައި އެއްވެސް މީހަކަށް ގެއްލުން ލިބިފައިވާކަމުގެ މައުލޫމާތު އަދި މިހާތަނަށް ލިބިފައެއް ނުވެއެވެ.
ނަމަވެސް އެ ގޭގެ އެކި ހިސާބުތަކަށް ވަނީ އަލިފާނުގެ އަަރުތަކުގެ ސަބަބުން ބޮޑެތި ގެއްލުންތަކެއް ލިބިފައެވެ. އެމްއެންޑީއެފް އިން އާއްމުކޮށްފައިވާ ފޮޓޯތަކުން ދައްކާ ގޮތުގައި ގޭގެ ފަންކާއަށާއި، ފަހަނާގެ އިތުރުން ތަޅުމަށްވެސް ވަނީ ބޮޑެތި ގެއްލުންތަކެއް ލިބިފައެވެ.
މިހާދިސާ ހިނގައި ދިޔައީ ކޮން ސަބަބަކާއި ގުޅިގެންކަން އަދި މިހާަނަށް ސާފުވާ ގޮތްވެފައިނުވެއެވެ