އިހްތިސާސުން ބޭރުން ކައިވެންޏެއް ކޮށްދިން މައްސަލައިގައި ލ ގަމު މެޖިސްޓްރޭޓް ކޯޓްގެ އިސްމެޖިސްޓްރޭޓް އަބްދުލްފައްތާހު އަބްދުލް ޣަފޫރުގެ ސުލޫކީ މައްސަލައެއް ޖުޑީޝަލް ސާވިސް ކޮމިޝަން (ޖޭއެސްސީ) އިން ބަލަން ނިންމައިފިއެވެ.
ޖޭއެސްސީ އިން ބުނި ލ ގަމު މެޖިސްޓްރޭޓް ކޯޓްގެ އިހްތިސާސުން ބޭރުން ކައިވެންޏެއް ކޮށްދީފައިވާ ކަމަށާއި އަދި އެކައިވެނި ކުރުމަށް ހުއްދަދީފައިވާ ތުހުމަތުކުރާ މައްސަލައެއް އެ ކޯޓްގެ އިސް މެޖިސްޓްރޭޓްގެ މައްޗަށް އުފުލާފައިވާ ކަަމަށެވެ.
އެ މައްސަލަ ސުލޫކީ މައްސަލަ އެއްގެ ގޮތުގައި ބެލުމަށް މި ޑިސެމްބަރު މަހުގެ 7 ވަނަ ދުވަހު ބޭއްވި ޖޭއެސްސީގެ 88 ވަނަ ޖަލްސާއިން ނިންމާފައިވާ ކަމަށް އެކޮމިޝަނުން ވަނީ ބުނެފައެވެ.
ޖޭއެސްސީ އިން ބުނިގޮތުގައި މި މައްސަލަ ބެލުމަށް ވަނީ ކޮމިޓީއެއް އެކުލަވާލާފައެވެ.