އެމްޑީޕީގެ މެމްބަރުން ރުޖޫއަކޮށްދިނުމަށް އިލެކްޝަންސްއިން އެއްބަސްވުމާއިއެކު އިދިކޮޅުގެ ފާޑުކިޔުން!

އިދިކޮޅު ޕީޕީއެމްގެ މެމްބަރުން އެހެނިހެން ސިޔާސީ ޕާޓީތަކަށް “ވަަގަށް” ބަދަލު ކުރުމުގައި އިލެކްޝަންސް ކޮމިޝަންއިން އިސް ދައުރެއް އަދާކޮށްފައިވާކަމަށް ޕީއެންސީގެ ނައިބު ރައީސް އިބްރާޙިމް ޝުޖާއު ތުހުމަތުކުރައްފައިފިއެވެ.

އެމްޑީޕީގެ އަމިއްލަ ދަފްތަރުންގައި ހިމެނޭ މެމްބަރުންގެ ތެރެއިން ސާޅީސް ހާހެއްހާ މެމްބަރުން އުނިކޮއް، އެ މެމްބަރުންގެ ތެރޭގައި ޕީޕީއެމްގެ ދަފްތަރުގައި އިލެކްޝަންސް ކޮމިޝަންގައި ރަޖިސްޓްރީ ކުރެވިފައިވާ އެތައް ހާސް މެމްބަރުންނެއް ތިބި ކަމަށް އެމްޑީޕީގެ ޗެއަރޕާސަންގެ ނައިބު އިބްރާހިމް ވަހީދު ވިދާޅުވެފައިވާ ދަނޑިވަޅެއްގައި ޝުޖާއުވަނީ ޕީޕީއެމްގެ މެމްބަރުން އެހެނިހެން ޕާޓީތަކަށް ބަދަލު ކުރުމުގައި އިލެކްޝަންސްގެ އަތެއް ވާކަމަށް ވިދާޅުވެފައެވެ.

ޝުޖާއު ވިދާޅުވީ، އެމްޑީޕީއިން މިހާރު ދަފްތަރުގެ ވާހަަކަތައް ދައްކަމުންދާކަމަށެވެ. އަދި އިދިކޮޅުން ތިބީ ކުރަމުންދާ މަސައްކަތްތައް ބަލަންކަމަށާއި، ކުރިއަށް އޮތް ދުވަސްތަކުގެ ތެރޭގައި ގިނަ އަދަދެއްގެ މައްސަލަތައް ފެންމަތިވާނެކަމަށް އެނާ ފާހަގަކުރެއްވިއެވެ.

ޕީ.ޕީ.އެމްގެ ދަފްތަރުން 7000 މެމްބަރުން އެހެން ސިޔާސީ ޕާޓީތަކަށް ”ވަގަށް“ ބަދަލު ކުރުމުގައި @ElectionsMv ދައުރު ވަރަށް ބޮޑު.މިއަދު @MDPSecretariat އިން ދަފްތަރު ވާހަކަ އެބަ ދައްކާ.އަހަރެމެން އެބަތިބިން ބަލަން ތިހަދާއެއްޗެއް.މިފަހަރު ރައްޔިތުންނަށް ހާމަވާނެ ލައްކަ ކަންކަން.

— Ibrahim Shujau (@IbrahimShujaau) December 21, 2022

ޕީޕީއެމް ގެ ދަފްތަރުން ވަގަށް ނަގާފައިވާ މެންބަރުން އެދެފިނަމަ އަނބުރާ @ProgressPartyMV ބަދަލުކޮށްދިނުމަށް އެދޭތާ އެއް އަހަރުވީއިރުވެސް އެކަން ކުރުމަށް ޤާނޫނީ ހުރަސް ހުރިކަމަށް ބުނެ ހުތްޖަތް ދެއްކުމަށްފަހު، މިއަދު އެމްޑީޕީ ބޭނުންވުމުން މިކަން ހަމަ ޓަސް…. @ElectionsMv https://t.co/65WfdodDz1

— Mohamed Tholal (@Tholal) December 21, 2022

އެމްޑީޕީގެ މެމްބަރުން އެހެނިހެން ޕާޓީތަކުގައި ރެޖިސްޓަރ ކުރެވިފައިވާނަމަ، ޝަކުވާ ހުށައެޅުމުން އިލެކްޝަންސްއިން އަނބުރާ ޕާޓީގެ ދަފްތަރަށް ރުޖޫއަކޮށްދޭނެކަމަށް ބުނެ އެމްޑީޕީއިންކޮށްފައިވާ އިއުލާނަށް އިޝާރާތްކުރައްވާ ޕީޕީއެމްގެ ސެކެޓްރީ ޖެނަރަލް މުހައްމަދު ތޮލާލްވަނީ ފާޑުކިޔުންތަކެއް އަމާޒުކުރައްވާފައެވެ.

އެގޮތުން ޕީޕީއެމްގެ ދަފްތަރުން ވަގަށް ނަގާފައިވާ މެމްބަރުން އެދެފި ހާލަތެއްގައި އެ ޕާޓީގެ ދަފްތަރަށް ރުޖޫއަކޮށްދިނުމަށް އެދެމުންދާތާ އަހަރުތަކެއް ވެފައިވާކަމަށްވީނަމަވެސް އިލެކްޝަންސްއިން އެކަންކޮށްދީފައިނުވަނީ ގާނޫނީ ހުރަސްތަކެއް ހުރިކަމަށް ބުނެ ކަމަށް އެނާ ވިދާޅުވިއެވެ. އެނާ ވިދާޅުވީ، އެހެންނަމަވެސް އެމްޑީޕީއިން އެކަން ކުރަން ބޭނުން ވުމުން، އިލެކްޝަންސްއިންވަނީ އެ މަގު ފަހިކޮށްދީފައިކަމަށެވެ.