މާލޭގައި ކްރިސްމަސް ފާހަގަ ނުކުރުމަށް ސިޓީ ކައުންސިލުން އަންގައިފިއެވެ.
ސިޓީ ކައުންސިލުން ނެރުނު އިއުލާނެއްގައި ބުނެފައިވަނީ މި އަހަރުގެ ކްރިސްމަސް ދުވަސް އެކި ގައުމުތަކުގައި ފާހަގަ ކުރި ކަމުގައިވީ ނަމަވެސް ކްރިސްމަސް ދުވަހާއި އެފަދަ އެއްވެސް ހަރަކާތެއް މާލޭ ސިޓީގައި ހިންގުމަކީ ކައުންސިލުން ހިތްވަރުދޭ ކަމެއް ނޫން ކަމަށެވެ.
މީގެ އިތުރުން ކްރިސްމަސް ފާހަގަ ކުރުމާއި އެފަދަ ކަމަމަށް ހިތްވަރުދޭ އަމަލެއް ހިންގުމަކީ މާލެސިޓީ ކައުންސިލުން ހުއްދަ ދޭކަމެއް ނޫން ކަމަށް ވެސް ބަޔާނުގައި ވެއެވެ.
ކްރިސްމަސް އާއި އާ އަހަރު ފާހަގަ ކުރުމުގެ ގޮތުން މިފަހަކަށް އައިސް މާލެ އާއި ރާއްޖޭގެ ރަށްތަކުގައި ދަނީ ތަފާތު އެކި ހަރަކާތްތައް ހިންގަމުންނެވެ. އެގޮތުން ތަފާތު އެކި ޕާޓީ ތަކާއި އެއްވުންތައް ބޭއްވުން ހިމެނެއެވެ.