މިއަހަރުގެ މިހާ ހިސާބަށް ރާއްޖެއަށް 555،537 ފަތުރުވެރިން ޒިޔާރަތްކޮށްފައިވާކަން ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކައިފިއެވެ.
މި ހިނގާ އޭޕްރިލް މަހުގެ 5 އާއި ހަމައަށް ޓޫރިޒަމް މިނިސްޓްރީއިން އާންމުކޮށްފައިވާ ތަފާސް ހިސާބުތަކުން ދައްކާ ގޮތުގައި މިއަހަރުގެ މިހާ ހިސާބަށް އައިސްފައިވާ ފަތުރުވެރިންގެ އަދަދު 2022 އާއި 2021 އާއި އަޅާކިޔާއިރު 21 އިންސައްތަ ވަނީ ކުރިއަރާފައެވެ.
މި މަހުގެ 5 އަކާއި ހަމައަށް ރާއްޖެއަށް ޒިޔާރާތްކޮށްފައިވަނީ 31،609 ފަތުރުވެރިންނެވެ. ދުވާލެއްގެ މައްޗަށް ރާއްޖެއަށް 5،000 އަށް ގިނަ ފަތުރުވެރިން އަންނައިރު، އާންމު ގޮތެއްގައި ފަތުރުވެރިން ރާއްޖޭގައި މަޑުކުރަނީ 8 ވަރަކަށް ދުވަހުއެވެ.
ރާއްޖެއަށް އެންމެ ގިނައިން ފަތުރުވެރިން ޒިޔާރާތްކޮށްފައިވާ ގައުމުތަކުގެ ތެރެއިން އެއްވަނައިގައި ވަނީ ރަޝިޔާއިންކަމަށްވާއިރު، އެ ގައުމުން ރާއްޖެ ޒިޔާރާތްކޮށްފައިވަނީ 68،102 ފަތުރުވެރިންނެވެ. ދެވަނައިގައި އޮތްއިރު، އިންޑިއާއިން ރާއްޖެ ޒިޔާރާތްކުރީ 58،859 ފަތުރުވެރިންނެވެ. 3 ވަނަ ގައި އިނގިރޭސިވިލާތް އޮތްއިރު، އިނގިރޭސިވިލާތުން ރާއްޖެ ޒިޔާރާތްކޮށްފައިވަނީ 55،093 ފަތުރުވެރިންނެވެ.