އައިޖީއެމްއެޗް އީ ޕޯޓަލް މެދުވެރިކޮށް ޓެސްޓްތަކުގެ ނަތީޖާ ބެލޭގޮތް ހަދައިފިއެވެ.
އައިޖީއެމްއެޗުން ބުނީ އީ ޕޯޓަލް އަލުން ހުޅުވާފައިވަނީ ކުރިން ދިމާވި ހުރިހާ މައްސަލަތައް ހައްލުކުރުމަށް ފަހު ކަމަށް އެހޮސްޕިޓަލުން ވަނީ ބުނެފައެވެ. އެގޮތުން އީ ޕޯޓަލް އަށް މިހާރު ވަދެވެނީ އީފާސް މެދުވެރިކޮށެވެ.
އައިޖީއެމްއެޗުން ބުނި ގޮތުގައި އީ ޕޯޓަލް އިން ލެބޯޓްރީ ރިޕޯޓްތަކާއި މެޑިކަލް ރިކޯޑްތަކުގެ އިތުރުން ބޭސް ސިޓީތައް ވެސް އޮންލައިންކޮށް ބަލައިލެވޭނެ ކަމަށެވެ.
މީގެ ކުރިންވެސް އޮންލައިންކޮށް ރިޕޯޓް އައިޖީއެމްއެޗްގެ އީ ޕޯޓަލް އިން ބެލެން ހުރެެއެވެ. ނަމަވެސް މިދިޔަ ފެބްރުއަރީ މަހު ޕޯޓަލް ޑައުންކޮށްފައިވަނީ އެ ޕޯޓަލް މެދުވެރިކޮށް އެހެން މީހުންގެ މެޑިކަލް ރިކޯޑްތައް އައިޑީކާޑް ނަމްބަރު ބޭނުންކޮށްގެން ބެލޭކަމަށް މީޑިއާގައި ރިޕޯޓްކޮށްފައި ވަނިކޮށެވެ.