ދިވެހިރާއްޖެއަށް ހަގީގީ މިނިވަންކަން ލިބުނު ކަމަށް ބެލެވޭނީ މި ގައުމުގައި ކޯޓު ފަޓުލޫނާއި ޓައި ނާޅަ އުޅުމުން މިނިވަންވުމުންކަމަށް އިޤްތިޞާދީ ވަޒީރު ފައްޔާޒް އިސްމާއީލް ވިދާޅުވެއްޖެއެވެ.
ފައްޔާޒު މިފަދައިން ވިދާޅުވީ މިނިވަން ދުވަހާ ގުޅުވައިގެން ކުރެއްވި ޓްވީޓެއްގައެވެ. އޭނާ ވިދާޅުވީ ދިވެހިންނަށް ހަގީގީ މިނިވަންކަން ލިބޭނީ ކޯޓް ފަޓްލޫނާއި ޓައި އިން މިނިވަންވުމުން ކަމަށެވެ.
ރާއްޖޭގައި މިވަގުތު ފިރިހެނުން ރަސްމީ ހެދުމެއްގެ ގޮތުގައި ބޭނުން ކުރަމުންދަނީ ކޯޓް ފަޓްލޫނާއި ޓައިއެވެ.
To be really independent would be to be free from wearing suits and ties here in Maldives. I wish @BCC_mv would utilize our talented designers to design some sensible official attire incorporating our culture. Perhaps a competition!!
— Fayyaz Ismail (@faya_i) July 26, 2023
މިކަމާއި ގުޅިގެން ފައްޔާޒު އިތުރަށް ވިދާޅުވީ އޭނާ އުންމީދުކުރައްވަނީ ބިޒްނަސް ސެންޓަރ ކޯޕަރޭޝަން (ބީސީސީ)އިން ރާއްޖޭގެ ހުނަރުވެރި ޑިޒައިނަރުން ބޭނުންކޮށްގެން، ދިވެހި ސަގާފަތް ހިމަނައިގެން، ވިސްނުންތެރި ރަސްމީ ހެދުންތަކެއް ފަރުމާކުރާނެކަމަށް ކަމުގައެވެ.