ކުރީގެ ފޮރިން މިނިސްޓަރ ދުންޔާ މައުމޫން އިދިކޮޅު ކޮންގްރެސް ކޯލިޝަންއަށް ސޮއިކުރައްވައިފިއެވެ.
މިއަދު ހަވީރު ހުޅުމާލޭގައި ކުރިއަށްގެންދާ ޑރ މުއިއްޒުގެ ކެމްޕެއިން ހަރަކާތުގައި ދުންޔާ ވަނީ ޕީޕީއެމްއަށް ސޮއިކުރައްވާފައެވެ. އޭނާގެ ފޯމާއި ހަވާލުވެވަޑައިގެންނެވީ އިދިކޮޅު ކޯލިޝަނާއި ވަގުތީ ގޮތުން ހަވާލުވެވަޑައިގެންނެވި އަބްދުއްރަހީމް އަބްދުﷲ ޢަދި ރިޔާސީ ކެންޑިޑޭޓް ޑރ މުހައްމަދު މުއިއްޒެވެ.
ދުންޔާ ޕީޕީއެމް/ޕީއެންސީއަށް ސޮއިކުރެއްވިއިރު ހުންނެވީ މޯލްޑިވްސް ނޭޝަނަލް ޕާޓީ (އެމްއެންޕީ)ގެ ނައިބް ރައީސްކަމުގެ މަގާމުގައެވެ. ދުންޔާ ޕީޕީއެމްއާއި ގުޅިވަޑައިގެންނެވިއިރު، އެމްއެންޕީއިން ވަނީ ރިޔާސީ އިންތިހާބުގެ ދެވަނަ ބުރަށް އިދިކޮޅާއިއެކު ކޯލިޝަންވެސް ހައްދަވާފައެވެ. އަދި އެ ޕާޓީގެ މެންބަރުން ގެންދަވަނީ ޕީޕީއެމްގެ ހަރަކާތްތަކުގައި ބައިވެރިވެވަޑައިގަންނަވަމުނެވެ.
ދުންޔާ އަކީ ޑީއާރުޕީގެ ނަމުގައި ހިންގި ސިޔާސީ ޕާޓީގެވެސް މެންބަރެކެވެ. އެއަށްފަހު ޕީޕީއެމް އުފެދިގެން އައިރު، އެ ޕާޓީގައި ހުންނެވިއިރު، ދުންޔާ ވަނީ ގިނަ މަގާމުތަކެއް އަދާކުރައްވާފައެވެ.