ރޮޒެއިނާ، ދުންޔާއަށް: ދޮގު ހަދަން ލަދެއް ނުގަނޭތަ؟

ކުރީގެ ފޮރިން މިނިސްޓަރު ދުންޔާ މައުމޫން “ދޮގު” ހަދަން ލަދު ނުގަނޭތޯ ރައްޔިތުންގެ މަޖިލީހުގެ މީދޫ ދާއިރާގެ މެމްބަރު ރޮޒައިނާ އާދަމް ސުވާލު ކުރައްވައިފިއެވެ.

ރޮޒައިނާގެ ނުރުހުން ދުންޔާއަށް އަމާޒުވީ، ރާއްޖެވަނީ ނާށިގަނޑެއްގެ ދަށުގައި ތާށިވެފައިކަމަށާއި މިހާރު އެހެނިހެން ގައުމުތައް ރާއްޖެ ދެކެނީ ސަލާން ޖަހާ ގައުމެއްގެ ގޮތުގައި ކަމަށް ދުންޔާ ވިދާޅުވުމާއި އެކުއެވެ. ދުންޔާ ވިދާޅުވި ވިދާޅުވުމަށް އިޝާރާތްކުރައްވާ ރޮޒައިނާ ވިދާޅުވީ، ދުންޔާ ފޮރިން މިނިސްޓަރު ކަމުގައި ހުންނެވައިގެންވަނީ ރާއްޖެއާއި އެހެނިހެން ގައުމުތަކާއި ދެމެދު އޮންނަ ގުޅުން ނެތިކޮށްފައިކަމަށެވެ.

ރޮޒައިނާ ވިދާޅުވީ، ބައިނަލްއަގުވާމީ މައިދާނުގައި ދިވެހިރާއްޖޭގެ އަގު ވެއްޓިގެންދިޔައީ ދުންޔާ ފޮރިން މިނިސްޓަރު ގޮތުގައި ހުންނެވި އިރު ކަމަށެވެ. އެހެން ނަމަވެސް މިއަދު ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ސަރުކާރުގެ ބެލުމުގެ ދަށުން ރާއްޖެއަށް މުޅި ދުނިޔެ ތައުރީފު ކުރަމުންދާކަމަށެވެ.

Dhunya thivarah dhoguhadhan ladheh nuganeytho? Kamanaage foreign minister kamuga mulhidhuniye aa gulhun kandaalaa mulhi beyru dhuniyeyga raajjeyge agu vettifa othy. Miadhu mulhidhuniye raajje ah thaureef ebakurey. Ur sister is making the difference that u couldn’t & in this govt.

— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) September 23, 2022

މީގެ އިތުރުން ރޮޒައިނާވަނީ ދުންޔާ އަދި އެކަމަނާގެ ކޮއްކޯފުޅު ޔުމްނާ ފަރާތުން ތަފާތުތަކެއް ފެނިގެންދާކަަމަށް ސިފަކުރައްވާފައެވެ.

ދުންޔާއަށް ސަރުކާރުގެ އިސް މަގާމެއްގައި ހުންނަވައިގެން ރާއްޖެއަށް ފައިދާތަކެއް ހޯއްދަވައިދެވިފައިނުވާކަމަށް އިޝާރާތްކުރައްވާ ރޮޒައިނާ ވިދާޅުވީ، އެހެން ނަމަވެސް ރައީސް ސާލިހުގެ ސަރުކާރުގެ ހެރިޓޭޖް މިނިސްޓަރގެ މަގާމުގައި ހުންނަވާ ޔުމްނާ ކުރައްވަމުންދަނީ ފަރަގުތަކެއް ފެނިގެންދާވަރުގެ މަސައްކަތްތަކެއްކަމަށެވެ.