ފަލަސްތީނުގެ މުޖާހިދުން ފެށި ޖިހާދަކީ އަރަބީންގެ ކަރާމާތަށްޓަކައި ފެށި އާ މަރުހަލާއެއް ކަމަށް ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެއެވެ.
އެކްސްގައި ހިއްސާކުރެއްވި ޕޯސްޓެއްގައި މައުމޫނު ވިދާޅުވީ މިދިޔަ ހޮނިހިރު ދުވަހު ފަލަސްތީނުގެ ހިތްވަރުގަދަ މުޖާހިދުން ފެށި ޖިހާދުގެ އާ މަރުހަލާ އަކީ މުސްލިމުންނާއި އަރަބީންގެ ކަރާމަތާއި ޝަރަފަށް ޓަކާ ފެށި ހުތޫރަތްތެރި އާ މަރުހަލާއެއް ކަމަށެވެ. އަދި އެމަނިކުފާނު ވަނީ ފަލަތީނުގެ މުޖާހިދުންނަށް މާތް ﷲ ނަސްރާއި ކާމިޔާބީ ދެއްވުމަށް އެދި މައުމޫން ވަނީ ދުއާ ކުރައްވައިފައެވެ.
މިދިޔަ ހޮނިހިރު ދުވަހު ފަލަޞްޠީނުގެ ހިތްވަރުގަދަ މުޖާހިދުން ފެށި ޖިހާދުގެ އާ މަރުޙަލާ އަކީ މުސްލިމުންނާއި ޢަރަބީންގެ ކަރާމަތާއި ޝަރަފަށް ޓަކާ ފެށި ޚުތޫރަތްތެރި އާ މަރުޙަލާއެއް. މާތް ﷲ ނަޞްރާއި ކާމިޔާބީ ދެއްވާށި!
— Maumoon Abdul Gayoom (@maumoonagayoom) October 10, 2023
މީޑިއާ ރިޕޯޓުތައް ބުނާ ގޮތުގައި މި ހަމަނުޖެހުންތަކުގައި ފަލަސްތީނުގެ 788 މީހުން ޝަހީދުވެ، 4،000 އަށް ވުރެ ގިނަ މީހުން ވަނީ ޒަހަމްވެފައެވެ.
މިއީ މުސްލިމުންގެ މުގައްދަސް ބިން ކަމުގައިވާ އަލް އަގްސާ މިސްކިތުގެ ހުރުމަތް ކަނޑާލުމާއި އެ ތަނަށްދާ މުސްލިމުންނަށް އަނިޔާކޮށް، ހައްޔަރުކުރަމުންދާތީ އެކަމާއި ދެކޮޅަށް ކުރަމުންދާ ހަނގުރާމައެކެވެ.
advertisment