މި ސޮފްޓްވެއާ އިފްތިތާހުކޮށްދެއްވާ ދެއްކެވި ވާހަކައިގައި މުއުތަސިމް ވިދާޅުވީ މިއީ ރާއްޖޭގައި މިފަދަ ސޮފްޓްވެއާއެއް ބޭނުން ކުރަން ފަށާ ފުރަތަމަ ފަހަރުކަމަށެވެ. އަދި ވިދާޅުވީ މިކަމުގެ ފައިދާ އެންމެންނަށް ކުރާނެކަމަށެވެ.
ކޭލީގެ ނަމުގައި އިފްތިތާހު ކުރެވުނު ސޮފްޓްވެއާގެ ސަބަބުން ޖުޑިޝަރީއަށްވެސް ވަރަށް ގިނަ ގުނަ، ކުރިއެރުންތަކެއް ލިބޭނެކަމަށް ފާހަގަކޮށް މުއުތަސިމް ވިދާޅުވީ މިއީ ލަސްވަމުންދާ މައްސަލަތައް އަވަސްކުރުމަށް ކުރިއެރުމެއް ލިބޭނެ ސޮފްޓްވެއާއަކަށް ވާނެކަމަށެވެ.
މި ޕްރޮގްރާމް ބޭނުން ކުރުމުން އަޅުގަނޑުމެން ފަނޑިޔާރުންނަށް ވަރަށް ރަނގަޅަށް އިހުސާސްވެގެންދާނެ، އަޅުގަނޑުމެންނަށް ލިބިގެންދާނެ ފަސޭހަތައް.
މުއުތަސިމް ވިދާޅުވިއެވެ.
މި މަސައްކަތުގައި ޝާމިލްވީ އެންމެހާ ފަރާތްތަކަށް މުއުތަސިމް ވަނީ ޝުކުރު އަދާ ކުރައްވާފައެވެ. އަދި ވަކިން ހާއްސަކޮށް ޖުޑިޝިއަލް އެޑްމިނިސްޓްރޭޓިވްގެ އައިޓީ ޓީމް މުއުތަސިމް ވަނީ ފާހަގަ ކުރައްވާފައެވެ.
ކޭލި މި ސޮފްޓްވެއާ އިތުރަށް ކުރިއެރުވުމުގެ މަސައްކަތްތައް ކުރަމުން ގެންދާނެކަމަށްވެސް ވިދާޅުވިއެވެ.
advertisment