ޕީޕީއެމްގެ ފިކުރަކީ ވަކި މީހެއްގެ މިލްކެއް ނޫންކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ހާއްސަ އެޑްވައިޒަރު އަބްދުއްރަހީމް އަބްދުﷲ (އަދުރޭ) ވިދާޅުވެއްޖެއެވެ.
އޭނާ މިފަދައިން ވިދާޅުވީ އެކްސްގައި ހިއްސާ ކުރެއްވި ޕޯސްޓެއްގައެވެ. އަބްދުލްރަހީމް ވިދާޅުވީ ޕީޕީއެމްއަކީ ގައުމިއްޔަތުގެ ފިކުރުކަމަށެވެ.
ޕީޕީއެމްގެ ފިކުރު އޮންނާނީ ގައުމާ ރައްޔިތުންގެ ހައްގުގައި މަސައްކަތްކުރާ ބައެއްގެ އަތްމަތީގައިކަމަށް ވެސް އަބްދުއްރަހީމް ވިދާޅުވިއެވެ. މިހާރު މި ފިކުރުގެ ލީޑަރަކީ އަބްދުއްރަހީމް ވިދާޅުވި ގޮތުގައި ރައީސުލްޖުމްހުރިއްޔާ ޑރ މުހައްމަދު މުއިއްޒެވެ.
އަބްދުއްރަހީމް މިފަދައިން ވިދާޅުވެފައިވާއިރު، އެ ފިކުރުގެ ކުރީގެ ލީޑަރު، ރައީސް އަބްދުލްﷲ ޔާމީން އަބްދުލްގައްޔޫމް މިހާރު ވަނީ އެ ފިކުރާއި ވަކިވެވަޑައިގެންފައެވެ. އަދި އެމަނިކުފާނު ގެންދަވަނީ ޕީޕީއެމް/ޕީއެންސީއަށް ފާޑުވެސް ވިދާޅުވަމުންނެވެ.
advertisment