ޕޯސްޓުގެ ހިދުމަތް އިތުރަށް ހަރުދަނާކުރުމަށް ކުރާ މަޝްވަރާތަކުގައި ބައިވެރިވުމުގެ ޝައުގު އެބަހުރިކަމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފް އުމަރު ވިދާޅުވެއްޖެއެވެ.
މިނިސްޓަރު މިކަން ހާމަ ކުރެއްވީ އެކްސްގައި ހިއްސާ ކުރެއްވި ޕޯސްޓެއްގައެވެ. މިނިސްޓަރު ވިދާޅުވީ ރާއްޖޭގެ ޕޯސްޓް ހިދުމަތް ހަރުދަނާ ކުރުމާއި އެ ހިދުމަތް ފުޅާކުރުމާއި ރައްޔިތުންގެ އިތުބާރު ދެމެހެއްޓުމަށް މޯލްޑިވްސް ޕޯސްޓް އިން މަސައްކަތް ކުރާނެ ކަމަށެވެ.
ޕޯސްޓްގެ ހިދުމަތުގެ ތެރެއިން މަސްތުވާތަކެތި އެތެރެކުރާ މައްސަލައަށް ހައްލު ހޯދުމަށް ކުރާ މަސައްކަތް ފާހަގަކޮށް، މިނިސްޓަރު ވިދާޅުވީ މިކަން ހައްލުކުރުމަށް ކަސްޓަމްސް އާއި ފުލުހުން ކުރަމުންދާ މަޝްވަރާތަކުގައި މޯލްޑިވްސް ޕޯސްޓާއެކު ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވުޒާރާ އިން ބައިވެރިވުމުގެ ޝައުގުވެރިކަން ހުރިކަމަށެވެ.
Raajjeyge Post ge khidhumaiy harudhanaa kurumaai e khidhumaiy fulhaa kurumaai rayyithunge ithubaaru dhemehettumah raajjeyge @MaldivesPost in masakkaiy kuraane!
Post ge khidhumathuge therein masthuvaa thakethi etherekuraa massala ah hallu hoadhumah @CustomsMv aai @PoliceMv in…— Adam Shareef Umar (@Adamshareefz) April 4, 2024
މި މައްސަލަ އާއި ގުޅިގެން ފުލުހުން ހާމަކޮށްފައިވާ ގޮތުގައި ޕޯސްޓު މެދުވެރިކޮށް ޑްރަގު އެތެރެކުރުން މިހާރު ވަނީ އާންމުވެފައެވެ.