20 ވަނަ ރައްޔިތުންގެ މަޖިލިސް އިންތިހާބުގައި އެންމެ ގިނަ ވޯޓު ލިބުނު ދިހަ ކެންޑިޑޭޓުންނަކީ ޕީއެންސީގެ ފަރާތުން ވާދަކުރި ކެންޑިޑޭޓުންނެވެ.
އިންތިހާބުގައި އެންމެ ގިނަ ވޯޓު ހޯދި ކެންޑިޑޭޓަކީ ބާރަށާއި އެ އަތޮޅުގެ ރައްޔިތުންނާއި ވެސް ގާތް ގުޅުމެއް އޮންނަ އިބްރާހިމް ޝުޖާއުއެވެ. މި އިންތިހާބުގައި ވޯޓުލީ ރައްޔިތުންގެ 2442 ވޯޓާއި އެކު 83 އިންސައްތަ ޝުޖާއުއަށް ވަނީ ލިބިފައެވެ.
މީގެއިތުރުން އެންމެ ގިނަ ވޯޓު ލިބުނު ކެންޑިޑޭޓުންގެ ތެރޭގައި:
ގަމު ދާއިރާ ޔޫސުފް ނަޝީދު: 1848 ވޯޓު
ފުވައްމުލަކު އުތުރު ދާއިރާ ހަމަދު އަބްދުﷲ: 1738 ވޯޓު
މަޑުއްވަރީ ދާއިރާ އަހުމަދު ޒާހިރު: 1735 ވޯޓު
ހުޅުމާލެ މެދު ދާއިރާ އަބްދުﷲ ޝަޒީމް: 1735 ވޯޓު
ހިތަދޫ މެދު ދާއިރާ އަހުމަދު އަޒާން މަރްޒޫގް: 1720 ވޯޓު
ފުނަދޫ ދާއިރާ މުހައްމަދު މަމްދޫހު: 1698 ވޯޓު
ފޮނަދޫ ދާއިރާ: އަބްދުއްރަހީމް އަބްދުﷲ: 1649 ވޯޓު
ހޯރަފުށީ ދާއިރާ އަލީ މޫސާ: 1602 ވޯޓު
އިންގުރައިދޫ ދާއިރާ އިބްރާހިމް ފަލާހް: 1582 ވޯޓު
މަޖިލިސް އިންތިހާބުގައި ޕީއެންސީއަށް ވަނީ މަޖިލީހުގެ 93 ގޮނޑީގެ ތެރެއިން 70 އަށްވުރެ ގިނަ ގޮނޑި ކާމިޔާބުކޮށް މަޖިލީހުގެ ސުޕަރ މެޖޯރިޓީ ހޯދާފައެވެ. ސަރުކާރުން މަޖިލީހުގެ ތިންބައި ކުޅަ ދެބައި ހޯދުމަށް އަމާޒު ކުރި ނަމަވެސް އިންތިހާބު ކާޟިޔާބު ކުރީ މަޖިލީޙުގެ ހަތަރުބައި ކުޅަ ތިންބައި ހޯދައިގެނެނެވެ.
އިދިކޮޅު މައި ޕާޓީ އެމްޑީޕީން ފުރިހަމަ އަގުލަބިއްޔަތެއް ހޯދުމަށް އަމާޒު ކުރި ނަމަވެސް އެ ޕާޓީއަށް އިންތިހާބުގައި ލިބުނީ 14 ގޮނޑިއެވެ. އަދި މަޖިިލީހުގައި ގިނަ ދުވަސް ވަންދެން ގޮނޑި ދިފާއު ކުރަމުން އައި އެމްޑީޕީގެ މެންބަރުން ގެތެރެއިން ޖީހާން، އަސްލަމް އަދި މުހައްމަދު ރަޝީދު ހުސެއިން ފަދަ ބޭފުޅުންނަށް ގޮނޑި ވަނީ ދިފާއު ނުކުރެވި ނާކާމިޔާބީ އާއި ކުރިމަތިލާން ޖެހިފައެވެ.
މީގެއިތުރުން ރައީސް ޔާމީންގެ ތާއިދާއި އެކު ނުކުތް އެއްވެސް ބޭފުޅަކަށް ގޮނޑި ލިބިފައި ނުވާއިރު ރިޔާސީ އިންތިހާބުގައި 7 އިންސައްތަ އާއި އެކު ތިންވަނާގައި އޮތް ޑިމޮކްރެޓްއަށްވެސް އިންތިހާބުގައި ގޮނޑި ލިބިފައެއް ނުވެއެވެ.
advertisment