ވަޒީފާއާ ބެހޭ ގާނޫނަށް ގެނެސްފައިވާ އިސްލާހަށް ފާޑުވިދާޅުވަމުން، ސަރުކާރުން އަދިވެސް މަސައްކަތް ކުރަނީ ނިކަމެތިންގެ ހައްގުތައް ގެއްލޭ ގޮތައްކަމަށް ރައްޔިތުން މަޖިލީހުގެ މަޑުއްވަރީ ދާއިރާގެ މެންބަރު އާދަމް ޝަރީފް ވިދާޅުވެއްޖެއެވެ.
އާދަމް ޝަރީފް މިއަދު ކުރެއްވި ޓްވީޓެއްގައި ބުނެފައިވަނީ އެތަކެއް މަސައްކަތްތެރިންގެ ވަޒީފާ ގެއްލި އާމްދަނީ ލިބޭނެ މަގުތައް ބަންދުވެފައިވާ ކަމަށެވެ. އެހެންނަމަވެސް އަދިވެސް ސަރުކާރުން މަސައްކަތް ކުރަނީ ނިކަމެތިންގެ ހައްގުތައް ގެއްލިގެންދާ ގޮތަށް ކަމަށް ޝަރީފް ވިދާޅުވިއެވެ. މުވައްޒަފުން “ރިޑަންޑަންޓު” ކުރެވޭ މަގު ފަހިކޮށްދޭން ސަރުކާރުން މަސައްކަތް ކުރާ ކަމަށް ތުހުމަތު ކުރައްވާ އާދަމް ޝަރީފް ވިދާޅުވީ ވަޒީފާއާ ބެހޭ ގާނޫނުގެ 21ވަނަ މާއްދާގެ (ނ) އަށް ގެނެސްފައިވާ އިސްލާހަށް ތާއީދު ނުކުރައްވާ ކަމަށެވެ.
Ethah masakkaiytherinnehge vazeefaa gelli, aamdhanee libeyne maguthah bandhuvefai! Adhives sarukaarun masakkaiy kuranee nikamethinge haqqu gelley gothah, muvazzifun redundant kureveyne magu fahikohdheyn! Vazeefaa aabehey qaanoonuge 21vana maadhdhaage (N) ah thaaeedhu nukuran.
— Adam Shareef Umar (@Adamshareefz) August 26, 2020
ވަޒީފާއާ ބެހޭ ގާނޫނަށް ހުށަހަޅާފައިވާ އިސްލާހުތައް އިގްތިސޯދީ ކޮމެޓީ އަދި އިޖުތިމާއީ ކޮމެޓީގެ ޖޮއިންޓު ކޮމެޓީން ވަނީ ދިރާސާ ކުރުމަށްފަހު ފާސްކޮށްފައެވެ. އެގޮތުން އެ ގާނޫނުގެ 21ވަނަ މާއްދާގެ (ނ) އަށް ގެނެސްފައިވާ އިސްލާހުގައި ވަނީ ވަޒީފާ ދިން ފަރާތުން ކުރަމުން ދިޔަ ވިޔަފާރިއެއް ނުވަތަ ދެމުން ދިޔަ ހިދުމަތެއް ހުއްޓާލަން ޖެހުމާ ގުޅިގެން ނުވަތަ ވަޒީފާ ދޭ ފަރާތުގެ ހިންގުމަށް ގެންނަ ބަދަލަކާއި ގުޅިގެން މަގާމެއް އުނިކުރަން ޖެހުމުގެ ސަބަބުން މުވައްޒަފަކު ވަޒީފާއިން ވަކި ކުރުމަކީ ވަޒީފާއިން ވަކި ކުރެވިދާނެ އެކަށީގެންވާ ސަބަބެއް ކަމަށް ބެލެވިދާނެ ކަމަށެވެ.
ކޮމިޓީގެ ރިޕޯޓްގައިވާ ގޮތުން ވަޒީފާ އަދާ ކުރަމުންދާ މުވައްޒަފުންގެ މެދުގައި ހަމަހަމައަށް ބަހަން ލާޒިމު ކަމަށް ބިލްގައި ހިމަނާފައިވެއެވެ.
advertisment